32022D0323

Þann 8. apríl 2020 sendi fyrirtækið Sharda Cropchem España S.L. inn umsókn um gagnkvæma viðurkenningu, í röð, til Frakklands, sbr. 33. gr. reglugerðar (ESB) nr. 528/2012 (BPR) fyrir vörunni Sojet en fyrirtækið er leyfishafi markaðsleyfis vörunnar í Þýskalandi. Sæfivaran er flokkuð í vöruflokk 18 og inniheldur virku efnin imídaklópríð og cis-tríkós-9-en. Hún er ætluð til notkunar innandyra sem flugnaeitur og aðeins til notkunar í atvinnuskyni. Varan er leyst upp í vatni og borin á pappaspjöld.Ákvörðunin kemur í kjölfar andmæla Frakklands til samræmingahópsins þess efnis að skilyrði í markaðsleyfi vörunnar í Þýskalandi tryggi ekki að varan uppfylli skilyrði iii. liðs b-liðar 1. mgr. 19. gr. BPR nema ef tekið er fram að við notkun vörunnar skuli notaður hlífðarbúnaður, þ.e. efnaþolna hlífðarhanska (efnið skal tekið fram af leyfishafa í vöruupplýsingum) og einnota utanyfirgalla af að minnsta kosti týpu-6 EN 13034. Frakkland vill meina að þær tækni- og skipulagsráðstafanir í samræmi við tilskipun ráðsins 98/24/EB, sem tilgreindar eru í markaðsleyfi vörunnar í Þýskalandi sem möguleg staðgöngulausn fyrir hlífðarbúnað, veiti ekki næga vörn ef ráðstafarnirnar eru ekki skilgreindar og metnar í mati á sæfivörunni.Engin niðurstaða náðist í samræmingarhópnum svo andmælum var vísað til framkvæmdastjórnarinnar. Eftir að hafa fengið álit hjá sæfivörunefnd Efnastofnunar Evrópu ályktaði framkvæmdastjórnin að sæfivaran uppfylli skilyrði iii. liðs b-liðar 1. mgr. 19. gr. reglugerðar BPR  að því gefnu að fram komi í markaðsleyfi og á merkimiða vöru að nota skuli efnaþolna hlífðarhanska (efnið skal tekið fram af leyfishafa í vöruupplýsingum) og einnota utanyfirgalla af að minnsta kosti týpu-6 EN13034 eða jafngildan honum. Ef umsækjandi um markaðsleyfi eða yfirvaldið sem veitir leyfið tilgreina tækni- eða skipulagsráðstafanir sem veita sömu eða meiri mildun á áhættu skulu þær ráðstafanir koma í staðinn fyrir notkun hlífðarbúnaðs og skal það tekið fram í markaðsleyfinu og á merkingum sæfivörunnar.