Framkvæmdarákvæði framkvæmdastjórnarinnar (ESB) 2022/919 um breytingu á ákvörðun (ESB) 2005/381/EB að því er varðar spurningalista vegna skýrslugerðar um beitingu tilskipunar Evrópuþingsins og ráðsins 2003/87/EB. - 32022D0919

Samkvæmt 1. mgr. 21. gr. tilskipunar 2003/87/EB þurfa aðildarríki að skila árlegum skýrslum til framkvæmdastjórnarinnar um beitingu þeirrar tilskipunar. Í viðauka ákvörðunar framkvæmdastjórnarinnar 2005/381/EB er að finna þágildandi spurningalista sem nota á við gerð þessara skýrslna, en á nú að uppfæra með fyrirliggjandi ákvörðun.  Töluverðar breytingar hafa átt sér stað á viðeigandi tilskipunum tengdum téðum spurningalista og má í því samhengi nefna eftirfarandi breytingar:  Tilskipun Evrópuþingsins og ráðsins (ESB) 2018/410 (3) breytti tilskipun 2003/87/EB svo að hún endurspegli þá skuldbindingu sem leiðtogaráð Evrópusambandsins tók á sig árið 2014 um að draga úr heildarlosun gróðurhúsalofttegunda um að minnsta kosti 40% árið 2030 miðað við árið 1990.   Reglur um vöktun og skýrslugjöf um losun gróðurhúsalofttegunda og gögn um starfsemi (e. activity data) hafa verið endurskoðuð og breytingar á tilskipun (ESB) 2018/410 voru innleiddar með framkvæmdarreglugerð  framkvæmdastjórnarinnar (ESB) 2018/2066.   Einnig hefur verið mælt fyrir um að endurskoða ákvæði um vottun á skýrslum sem lagðar voru fram skv. tilskipun 2003/87/EB og um faggildingu og eftirlit með vottunaraðilum með framkvæmdarreglugerð framkvæmdastjórnarinnar (ESB) 2018/2067 en þar koma einnig fram ákvæði um gagnkvæma viðurkenningu vottunaraðila og jafningjamat á innlendum faggildingastofnunum, sbr. 15. gr. tilskipunar 2003/87/EB. Reglugerð þessi gildir um vottun á losun gróðurhúsalofttegunda og tonnkílómetragögn og um vottun á gögnum er ákvarða endurgjaldslausa úthlutun losunarheimilda til starfstöðva.   Að lokum hafa reglur um úthlutun endurgjaldslausra losunarheimilda verið uppfærðar með framseldri reglugerð framkvæmdastjórnarinnar (ESB) 2019/331 og framkvæmdarreglugerð framkvæmdastjórnarinnar (ESB) 2019/1842.  Mikilvægt er að spurningalistinn endurspegli þær breytingar sem gerðar hafa verið á tilskipun 2003/87/EB og tengdum framkvæmdargerðum og framseldum gerðum í ákvörðun 2005/381/EB. Enn fremur hefur frekari reynsla aðildarríkja sem og framkvæmdarstjórnarinnar á notkun spurningalistans sýnt fram á að mikilvægi þess að bæta skilvirkni skýrslugerðarinnar og samræmi upplýsinganna sem tilkynnt er um og hefur það nú verið gert með uppfærðum spurningalista í viðauka.