Ákvörðunin nær yfir skyldar sæfivörur Alpachloralose Pasta, sem innihalda virka efnið alfaklóralós (CAS no: 15879-93-3) sem virkt efni, sem voru samþykktar í Frakklandi og Svíþjóð 2018 og 2019. Árið 2019 voru tilfelli um fylgieitrun í köttum og hundum tilkynnt í Frakklandi og Svíþjóð. Seinna voru tilfellinn staðfest tilfelli af eitrun vegna alfaklóralós.

Í kjölfarið tók framkvæmdarstjórnin ákvörðun að skyldu vörunnar uppfylltu ekki kröfur listaðar í iii-lið b-liðar 1. mgr. 19. gr. reglugerðar (ESB) 528/2012 um viðeigandi lágmörkun á áhættu gagnvart mönnum og umhverfi. Vörurnar skulu því ekki vera samþykktar nema aðildaríki telji svo að það valdi óhlutfallslega meiri skaða að samþykja ekki vörurnar.

Samþykkt var þann 21. október 2019 og 5. mars 2018 í Frakklandi og Svíþjóð notkun á flokki skyldra sæfivara Alphachloralose Pasta, sem innihalda virka efnið alfaklóralós, í vöruflokki 14; nagdýraeitur.Árið 2019 voru tilfelli um eitranir og fylgieitranir í köttum og hundum tilkynnt til Frakklands og Svíþjóðar. Í kjölfarið tilkynntu bæði löndin breytingar á skilyrðum leyfisveitingar þar sem Frakkland bætti við upplýsingum á fylgimiða varðandi hættu og Svíþjóð takmarkaði notkun við þjálfaða fagmenn og skilyrði um notkun vörunnar þar sem hún myndi ekki vera notuð í nágrenni við ketti og fjarlægja þyrfti hræ dauðra mýsa sem eitrað var fyrir með vörunni.Danmörk og Þýskaland vísuðu andmælum sínum á breytingum á leyfisveitingum til samræningarhópsins. Í tilfelli Þýskalands þótti Frakkland ekki hafa gert nóg og í tilfelli Danmerkur er ekki lagastoð í dönskum lögum varðandi skilgreiningu á þjálfaða fagmenn sem Svíþjóð gerir kröfu um í sinni leyfisveitingu. Samkomulag náðist ekki innan samræmingarhópsins eftir samráð við aðildarríki og leyfishafa.

Í maí 2021 óskaði finnska öryggis- og efnastofnunin (Tukes) eftir áliti frá finnsku matvælastofnunni og sambandi finnskra dýralækna um áhrif alfklóralós vara á gæludýr. Finnsk yfirvöld deildu þessu áliti með framkvæmdarstjórninni að slíkar vörur valda verulegum skaða og þjáningu fyrir bæði gæludýr og villt dýr. Þar að auki fékkst staðfesting frá sænskum efnastofnuninni að um hefði verið að ræða alfaklóralós eitrun þar í landi áður.

Í kjölfarið er ákvörðun framkvæmdarstjórnarinnar að flokkur skyldu sæfivara Alphachloralose Pasta uppfylli ekki kröfur sem lagðar eru fyrir í iii-lið b-liðar 1. mgr. 19. gr. reglugerðar (ESB) 528/2012 um viðeigandi lágmörkun á áhættu gagnvart mönnum og umhverfi. Ákvörðunin er í samræmi við álit fastanefndar um sæfivörur.
Flokkur skyldra sæfivara (eingarnr., R4BP3: FR-0018427-0000) skulu einungis samþykktar í aðildaríkjum sem íhuga svo að án samþykkis myndi það valda óhlutfallslega neikvæðum áhrifum á samfélagið þegar tekið er tillit til manna- og dýraheilsu og umhverfið sem verða vegna notkunar á vörunni. Notkun skal vera háð viðeigandi ráðstöfunum til að draga úr áhættu, sbr. 5. mgr. 19. gr. reglugerðar (ESB) 528/2012, sem tekur aðstæður hvers aðildarríkis til skoðunnar.

Ákvörðunin tekur gildi á 20. degi eftir birtingu hennar í Stjórnartíðindum Evrópusambandsins.