32022D1297

 Nefnd evrópskra endurskoðendaeftirlitsstofnana hefur endurmetið lagaumgjörðina í Bandaríkjunum, sem byggir á Sarbanes-Oxley lögum, sem hefur ekki breyst í grundvallaratriðum frá því að framkvæmdarákvörðun (ESB) 2016/1156 var samþykkt. Að teknu tilliti til tæknilegs mats nefndar evrópskra endurskoðunareftirlitsstofnana sem um getur í c-lið 7. mgr. 30. gr. reglugerðar Evrópuþingsins og ráðsins (ESB) nr. 537/2014, the Securities and Exchange Commission og the Public Company Accounting Oversight Board uppfylla áfram kröfur sem er að finna c-lið 1. mgr. 47. gr. tilskipunar 2006/43/EB.Endanlegt markmið samstarfs um endurskoðunareftirlit milli lögbærra yfirvalda aðildarríkjanna og lögbærra yfirvalda í Bandaríkjunum er að ná gagnkvæmu trausti á eftirlitskerfi hvers annars. Þannig ættu flutningar á endurskoðunarvinnuskjölum eða öðrum skjölum í vörslu löggiltra endurskoðenda eða endurskoðunarfyrirtækja og á skoðunar- eða rannsóknarskýrslum að verða undantekning. Gagnkvæmt traust yrði byggt á jafngildi eftirlitskerfa með endurskoðendum í sambandinu og í Bandaríkjunum.