Útdráttur
Gerðin tengist reglugerð (ESB) 2019/631. Sú reglugerð er um setningu staðla um losun koltvísýrings frá nýjum fólksbifreiðum og nýjum léttum atvinnuökutækjum. Þessi viðbót við gerðina fjallar um útreikning framleiðenda á CO2 gildum nýrra gerðarviðurkenndra ökutækja. Ekki kostnaður. Eingöngu óbein áhrif.
Nánari efnisumfjöllun
Markmið sem að er stefnt: Gerðin tengist reglugerð (ESB) 2019/631. Sú reglugerð er um setningu staðla um losun koltvísýrings frá nýjum fólksbifreiðum og nýjum léttum atvinnuökutækjum. Þessi viðbót við gerðina fjallar um útreikning framleiðenda á CO2 gildum nýrra gerðarviðurkenndra ökutækja.Aðdragandi: Framkvæmdastjórninni ber í samræmi við reglugerð (ESB) 2019/631 að ákvarða á hverju ári meðaltal koltvísýringslosunar og markmið um losun fyrir hvern framleiðanda nýrra fólksbifreiða og léttra atvinnuökutækja. Útreikningur á meðaltali koltvísýringslosunar og losunarmarkmiða ársins 2020 byggir á ítarlegum gögnum yfirvalda um nýskráningu þessara ökutækja.Í samræmi við 4. gr. reglugerðar (ESB) 2019/631 skal líta svo á að framleiðandi uppfylli losunarmarkmið ef meðaltal losunar fer ekki yfir þau viðmið sem fram koma í þessari nýju gerð. Fyrir framleiðendur sem hafa stofnað samlag ætti að meta heilar losun í samræmi við 6. gr. framangreindrar reglugerðar.Tekið er tillit til samdráttar í losun sem næst með því að nota nýsköpunartækni sem dregur úr losun koltvísýrings. Tæknina þarf að samþykkja af framkvæmdastjórninni í samræmi við 11. gr. reglugerða (ESB) nr. 2019/631. Á almanaksárinu 2020 er aðeins tekið tillit til koltvísýringssparnaðar í vistvænni nýsköpun.Í samræmi við 4. mgr. 2. gr. reglugerðar (ESB) 2019/631 eru framleiðendur sem bera ábyrgð á færri en 1.000 nýskráðum ökutækjum undanþegnir því að þurfa að uppfylla tiltekið losunarmarkmið. Engu að síður er rétt að reikna út og tilkynna meðaltal losunar þeirra sem og fjölda nýrra ökutækja sem skráð eru á þeirra vegum.Í þessari nýju gerð koma einnig fram ný gild sem nota á við útreikning á sérstökum losunarmarkmiðum og undanþágumarkmiðum fyrir árin 2021-2024. Það er í samræmi við 4. og 5. lið A og B hluta I viðauka við reglugerð (ESB) 2019/631.Gildin sem sett eru fram í þessari ákvörðun og nota á til að meta losun hvers framleiðenda er hægt að endurskoða. Til þess að svo yrði þyrftu yfirvöld í tilteknu landi staðfesta frávik frá þeim. Þau gildi sem þá yrðu til yrðu notuð til að ákvarða hvort framleiðandi uppfylli kröfur um losun.Efnisútdráttur: Gerðin inniheldur tvö ákvæði og tvo viðauka.• 1. gr.1. mgr.: Gildin sem varða frammistöðu framleiðanda fólksbíla og léttra atvinnubíla að því er varðar almanaksárið 2020 eru tilgreind í A- og B- hluta I. viðauka við þessa ákvörðun.2. mgr.: Gildin sem nota á við útreikning á sérstökum losunarmarkmiðum og undanþágumarkmiðum fyrir árin 2021-2024 í samræmi við 4. og 5. lið A og B hluta I. viðauka við reglugerð (ESB) 2019/631 eru tilgreind í A og B hluta II. viðauka við þessa ákvörðun.• 2. gr.Þessari ákvörðun er beint til framleiðenda og samlaga sem myndaðir eru í samræmi við 6. gr. reglugerðar 2019/631. Allir framleiðendurnir eru upptaldir í greininni.Umsögn: helstu breytingar, mati á umfangi, og áhrif hér á landi: Ákvörðunin ætti ekki að hafa áhrif þar sem engir framleiðendur eru starfandi hér á landi.Lagastoð fyrir innleiðingu gerðar: Lagastoðin er a-liður 4. mgr. 69. gr. umferðarlaga nr. 77/2019.Rétt væri að reglugerðin yrði innleidd með breytingu á reglugerð nr. 822/2004 um gerð og búnað ökutækja.Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Enginn kostnaður.Skörun við starfssvið annarra ráðuneyta: Umhverfis-, orku- og loftlagsráðuneytið.Tilgreining á hagsmunaaðilum: Framleiðendur og gerðarviðurkenningaryfirvöld en slíkir aðilar eru ekki starfandi hér á landi.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.