32022L0431

Tilskipun nr. 2022/431 (EB) frá 9. mars 2022 um breytingu á tilskipun 2004/37/EB um vernd starfsmanna um hættum tengdum efnum sem geta valdið krabbameini eða stökkbreytingu í kímfrumum  felur í sér breytingar á tilskipun 2004/37/EB sem fjallar um vernd starfsmanna gegn hættu tengdri útsetningu krabbameinsvaldandi efna eða efna sem geta valdið stökkbreytingum á vinnustöðum. Eldri gerðin hefur verðið innleidd hérlendis með reglugerð nr. 530/2020, um verndun starfsmanna á vinnustöðum gegn hættu á heilsutjóni af völdum efna sem geta valdið krabbameini eða stökkbreytingu í kímfrumum, sbr. einnig reglugerð nr. 1136/2020.  Þær breytingar sem umrædd tilskipun felur í sér snúa að skilgreiningum ásamt því að skerpt er á nokkrum atriðum. Innleiðingin felur því í sér litlar efnisbreytingar á gildandi reglugerð um efnið. Af þessu leiðir að áhrif hér á landi ættu að vera lítil og kallar innleiðing gerðarinnar líklega hvorki á auknar kröfur til atvinnulífsins né aukið eða breytt eftirlit Vinnueftirlitsins. Þess ber að geta að reglugerð um verndun starfsmanna á vinnustöðum gegn hættu á heilsutjóni af völdum efna sem geta valdið krabbameini eða stökkbreytingu á kímfrumum tengist jafnframt reglugerð nr. 390/2009, um mengunarmörk og aðgerðir til að draga úr mengun á vinnustöðum. Innleiðing umræddrar Evrópugerðar sem hér er til umræðu kallar því á uppfærslu á mengunarmarkaskrá sem er í viðauka reglugerðarinnar. Efni sem tiltekin eru í tilskipuninni eru flest nú þegar með sömu eða lægri mengunarmörk í gildi hérlendis þannig að einungis þarf að uppfæra mengunarmörk í tilviki lítils hluta efnanna sem eru tiltekin en mengunarmörk þeirra efna sem breytast eru lítið notuð hérlendis.