32022L1632

Í II. viðauka við tilskipun Evrópuþingsins og ráðsins 2011/65/ESB er listi yfir efni sem raf- og rafeindabúnaður má ekki innihalda skv. 1. mgr. 4. gr. tilskipunarinnar. Í IV. viðauka er listi yfir undanþágur frá framangreindum takmörkunum. Undanþágur í IV. viðauka eiga sérstaklega við um lækningatæki og tæki til vöktunar og eftirlits.Blý er á meðal bönnuðu efnanna í II. viðauka en í 27. lið IV. viðauka er veitt undanþága sem heimilar notkun á blýi í lóðningarefni, húðum á úttakstengjum á rafmagns- og rafeindaíhlutum og prentplötum og tengingum raftauga, hlífa og umluktra tengja í tilteknum búnaði. Gildistími undanþágunnar var til 30. júní 2020 en 12. desember 2018, innan tilgreindra tímamarka, barst framkvæmdastjórninni beiðni um endurnýjun á undanþágunni. Í samræmi við ákvæði tilskipunarinnar gildir undanþágan þar til ákvörðun hefur verið tekin um afgreiðslu endurnýjunarinnar.Í þessari tilskipun er tveim nýjum stafliðum, c og d, bætt við undanþáguna í 27. lið IV. viðauka. Nýju stafliðirnir framlengja gildistíma undanþágunnar til 30. júní 2027 en aðeins fyrir hluta þess búnaðar sem hún gilti fyrir áður. Um er að ræða búnað (MRI-tæki) þar sem blýlausir staðgöngukostir eru ekki tæknilega mögulegir og framlenging undanþágunnar fyrir þennan búnað kemur þannig í veg fyrir ótímabæra úreldingu slíks búnaðar.Aðildarríkin skulu samþykkja og birta regluverk sem innleiðir þessa breytingu innan 5 mánaða frá gildistöku tilskipunarinnar.Tilskipunin tekur gildi á tuttugasta degi eftir birtingu hennar í stjórnartíðindum Evrópusambandsins.