32022L2380

Tilgangur þeirrar tillögu sem hér liggur fyrir er sá að koma í veg fyrir margar gerðir hleðslutækja á markaðnum sem og hugbúnaðarstýringa. Þannig á að auka þægindi neytenda og takmarka úrgang vegna raftækja. Þráðlaus hleðsla er tiltöluleg ný tækni og ekki fullmótuð enn. Því var ekki talin ástæða til að tillagan tæki til hennar að svo stöddu.Hönnun fjarskiptabúnaðar (radíóbúnaðar eins og hér er til umfjöllunar) fellur undir tilskipun 2014/53/EU. Hins vegar falla eiginleikar utan á liggjandi hleðslutækis undir tilskipun 2009/125/EC. Það er ekki til umfjöllunar vegna fyrirliggjandi tillögu.Tillagan er í samræmi við  svonefnt "Commision's Circular Economy Action Plan" sem miðar að umhverfisvænni meðferð á varningi og gæðum innan efnahagskerfis sambandsins.Tilskipun 2014/53/EU var samþykkt til að tryggja virkni sameiginlega markaðarins. Án samræmingar á þessu sviði munu verða til  mismunandi lög og reglur hjá aðildarríkjunum. Þá munu mismunandi reglur verða til að hindra frjálst flæði vöru á efnahagssvæðinu. Þá er það mat sambandsins að meðalhófs sé gætt með breytingunum og þær leggi ekki óeðlilegar byrðar og kostnað á viðskiptalífið.Í tilskipun 2014/53/EU eru þegar gerðar ákveðnar grunnkröfur til fjarskiptabúnaðar sem undir hana falla. Breytingarnar núna munu aðeins taka til ákveðins hluta fjarskiptabúnaðarins og því er ekki gert ráð fyrir að þær muni valda aukinni byrði. Þá eru breytingar ekki það yfirgripsmiklar að þær breyti núverandi regluverki vegna fjarskiptabúnaðar að verulegu leyti.Í tillögunni er gert ráð fyrir að breyta tilteknum ákvæðum tilskipunar 2014/53/EU en nánari útfærsla verði í viðauka Ia sem verði meðfylgjandi. Í stuttu máli kveður viðaukinn á um að farsímar, spjaldtölvur, stafrænar myndavélar, heyrnartól, stýripinnar fyrir tölvuleiki og færanlegir hátalarar verði búnir USB-C tengimöguleika. Þá þarf að vera hægt að hlaða búnaðinn í gegnum þann tengimöguleika að nánari tæknilegum atriðum uppfylltum.