32022R0163

Markmið sem að er stefnt: Settar eru fram viðmiðanir fyrir samræmisathuganir á ökutækjakerfum, íhlutum og aðskildum tæknilegum einingum. Sett er fram sniðmát fyrir athuganir á virkni markaðar sem áætlað er að gera og fyrir skýrslu um niðurstöður samræmisathugana. Þá er kveðið á um upplýsingar sem framleiðendur skulu veita framkvæmdastjórn ESB og þriðju aðilum vegna samræmisathugana.Aðdragandi: Í 15. mgr. 8. gr. reglugerðar 2018/858/ESB er framkvæmdastjórninni heimilað að skilgreina sameiginlega mælikvarða fyrir samræmisathuganir á ökutækjum, kerfum, íhlutum og aðskildum tæknilegum einingum. Samræmisathuganirnar eru framkvæmdar af markaðseftirlitsstjórnvaldi skv. 1. mgr. 8. gr. þeirrar reglugerðar.Framkvæmdastjórninni er einnig heimilað að ákveða sniðmát sem nota skal við gerð yfirlits yfir fyrirhugaðar athuganir á markaðseftirliti. Aðildarríkin skulu senda þær upplýsingar til sérstaks vettvangs, e. the Forum for Exchange of Information on Enforcement, the Forum, hér eftir vettvangurinn. Um vettvanginn er fjallað í 6. mgr. 8. gr. reglugerðar 2018/858/ESB. Þessu til viðbótar er framkvæmdastjórninni heimilað að setja samræmt sniðmát fyrir skýrslur sem gera skal um niðurstöður samræmisathugana.Tryggja þarf öfluga eftirfylgni og til að ganga úr skugga um að markaðseftirlitsstjórnvöld fylgi samræmdum kröfum við val á ökutækjakerfum, íhlutum og aðskildum tæknilegum einingum fyrir prófanir. Því ætti að setja fram fullnægjandi mælikvarða fyrir samræmisathuganir. Ekki er hægt að beita samræmisathugunum með samræmdum hætti vegna ólíkra aðstæðna innan aðildarríkja. Þetta á við atriði eins og fjölda ökutækja, skráðra ökutækja eða fjölda kvartana. Því er mikilvægt að þessi viðmið taki til atriða sem hægt er að nota í samræmi við aðstæður í hverju ríki. Viðmiðin ættu að vera um atriði eins og tíðni skjalaskoðana, e. documentary checks, fjölda skráðra ökutækja og fjölda prófana sem gera þarf.Samkvæmt 5. mgr. 9. gr. reglugerðar 2018/858/ESB er nauðsynlegt að tiltaka þær upplýsingar sem framleiðendur eiga að gera framkvæmdastjórninni aðgengilegar svo hún geti gert samræmisathuganir.Samkvæmt 2. undirlið 10. mgr. 13. gr. reglugerðar 2018/858/ESB er nauðsynlegt að tilgreina þær upplýsingar sem framleiðendur eiga að gera þriðju aðilum aðgengilegar gjaldfrjálst í þeim tilgangi að þeir geti gert prófanir til að uppgötva ósamræmi.Samkvæmt 2. undirlið 10. mgr. 13. gr. reglugerðar 2018/858/ESB er nauðsynlegt að tilgreina þær kröfur sem þriðju aðilar þurfa að fullnægja svo sýnt sé fram á að þeir hafi lögmæta hagsmuni á sviði almannaöryggis, e. public safety, eða umhverfisverndar sem og að aðgerðir þeirra til að tryggja fullnægjandi prófunaraðstöðu og tryggja að félög þeirra og aðgerðir séu að öllu leyti óháð og sjálfstæð.Til að tryggja að þriðju aðilar séu færir um að sinna samræmisathugunum í samræmi við þær kröfur sem koma fram í reglugerðarlista í viðauka II við reglugerð 2018/858/ESB, ættu prófunarskýrslur þeirra að vera í samræmi við sniðmát sem tilgreint er í reglugerð 2020/683/ESB og uppfylla kröfur um hæfni og gæði prófunaraðstöðu.Efnisútdráttur: 1. gr.: Viðmiðanir til að ákvarða fullnægjandi umfang samræmisathugana.- Til að umfang samræmisathugana fyrir ökutækjakerfi, íhluti og aðskildar tæknilegar einingar sem framkvæmdar eru af markaðseftirlitstjórnvaldi teljist fullnægjandi skulu þær fara fram í samræmi við eftirfarandi viðmiðanir:a) tíðni skjalaskoðunar á ökutækjakerfum, íhlutum og aðskildum tæknilegum einingum sem framkvæmd eru á ökutækjum sem skráð eru í viðeigandi aðildarríki undanfarandi ár;b) fjöldi prófana á ári, að teknu tilliti til kröfur samkvæmt 2. og 3. mgr. 8. gr. reglugerðar 2018/858/ESB;c) hætturöðun, e. hazard ranking, á reglugerðum á lista í viðauka II við reglugerð 2018/858/ESB, byggt á áhættunni og líkunum á því að hættan eigi sér stað;d) fjöldi nýrra ökutækja sem skráð eru í viðeigandi aðildarríki undanfarandi ár, eftir gerð og verslunarheiti;e) rökstuddar kvartanir flokkaðar eftir gerð og verslunarheiti ökutækja undanfarandi þrjú ár;f) upplýsingar sem skipst var á við vettvanginn undanfarandi þrjú ár;g) prófunarniðurstöður birtar af þriðju aðilum undanfarandi þrjú ár, sem uppfylla kröfurnar skv. 6. gr.;h) hlutfall prófa sem úthlutað er til fjölda skráðra ökutækja og hlutfall prófa úthlutað til slembiúrtaks.2. gr.: Snið fyrir yfirlit yfir áætlaðar markaðseftirlitsathuganir, e. market surveillance checks, sem vísað er til í 6. mgr. 8. gr. reglugerðar 2018/858/ESB skulu sendar vettvanginum á því sniði sem kveðið er á um í viðauka I við þessa reglugerð.3. gr.: Snið fyrir skýrslu um niðurstöður samræmisathugana.-Skýrslan um niðurstöður samræmisathugana sem vísað er til í 7. mgr. 8. gr. reglugerðar 2018/858/ESB skal send vettvanginum á því sniði sem kveðið er á um í viðauka II við þessa reglugerð.4. gr.: Upplýsingar sem framleiðendur skulu gera aðgengilegar fyrir framkvæmdastjórnina í þeim tilgangi að gera samræmisathugun.5. gr.: Upplýsingar sem framleiðendur skulu gera aðgengilegar fyrir þriðju aðila í þeim tilgangi að prófa fyrir hugsanlegu ósamræmi.6. gr.: Kröfur til þriðju aðila til að sýna fram á lögmæta hagsmuni þeirra og aðgerðir þeirra til að tryggja fullnægjandi prófunaraðstöðu.Umsögn: helstu breytingar,  mati á umfangi, og áhrif hér á landi: Vakin er athygli á að innleiðing á reglugerð 2018/858/ESB mun fylgja kostnaður Innleiðingin kallar á stöðugildi og fjármagn.Reglugerð 2018/858/ESB kallar á markaðseftirlit á vegum aðildarríkja og þessi gerð sem hér um ræðir kveður nánar á um fyrirkomulag þess eftirlits.Gerðin kveður einnig á um upplýsingagjöf framleiðenda til framkvæmdastjórnarinnar, en engir framleiðendur eru starfandi á Íslandi.Lagastoð fyrir innleiðingu gerðar: Lagastoð er að finna í 69. gr. umferðarlaga nr. 77/2019. Innleitt í reglugerð um gerð og búnað ökutækja, nr. 822/2004.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Ekki er áætlaður sérstakur aukakostnaður vegna þessarar breytingar en vakin er athygli á áætluðum kostnaði vegna innleiðingar á reglugerð 2018/858/ESB.Skörun við starfssvið annarra ráðuneyta: NeiTilgreining á hagsmunaaðilum: NeiHorizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei