32022R0203

Markmið sem að er stefnt: Um er að ræða framkvæmdareglugerð um breytingu á ákvæðum reglugerðar (ESB) 748/2012 um stjórnkerfi og atvikatilkynningakerfi sem lögbær stjórnvöld koma á fót. Auk þess er um að ræða leiðréttingu á ákvæðum reglugerðar (ESB) 748/2012 um útgáfu lofthæfiskírteina.  Aðdragandi: Í reglugerð (ESB) nr. 748/2012 er mælt fyrir um sameiginlegar tæknikröfur fyrir hönnun og framleiðslu borgaralegra loftfara svo og hreyfla, skrúfa og hluta.Samkvæmt reglugerð (ESB) 2018/1139 verða hönnunarfyrirtæki sem hanna og framleiða hreyfla, skrúfur og hluti fyrir borgaraleg loftför að innleiða stjórnunarkerfi í samræmi við tegund starfsemi. Stjórnkerfin skulu meðal annars tryggja öryggisáhættu og að farið sé að grunnkröfum. Þá skal stöðugt unnið að endurbótum kerfanna.Efnisútdráttur: Með þessari reglugerð er tilteknum ákvæðum reglugerðar (ESB) 748/2012 breytt sem og viðaukum við hana.Breytingarnar snúa aðallega að ákvæðum um innleiðingu öryggisstjórnunarkerfa hjá hönnunarfyrirtækjum.Reglugerðin kveður meðal annars á um að lögbær landsyfirvöld skuli gera kröfu um að hönnunarfyrirtæki sem falla undir I. viðauka við reglugerð (ESB) 748/2012 innleiði öryggisstjórnunarkerfi. Þá er öllum samþykktum hönnunarfyrirtækjum  einnig skylt að koma á fót tilkynningakerfi vegna atvika.Því eru gerðar breytingar á ákvæðum I viðauka reglugerðar (ESB) 748/2012 til að tryggja að atvikatilkynningakerfi sé hluti stjórnunarkerfis og að kröfurnar séu í samræmi við kröfur reglugerðar (ESB) 376/2014.Tiltekin ákvæði reglugerðar (ESB) 748/2012 eru leiðrétt til að samræma hana ákvæðum um útgáfu lofthæfistaðfestingarvottorða samkvæmt reglugerð (ESB) 2021/699.Viðeigandi aðlögunartímabil verður gefið áður en ákvæði gerðarinnar koma til framkvæmda, en framkvæmdadagsetning liggur ekki fyrir í texta gerðarinnar.Umsögn: helstu breytingar,  mati á umfangi, og áhrif hér á landi: Reglugerðin á einkum við um lögbær landsyfirvöld sem hafa eftirlit með hönnunarfyrirtækjum á sviði upphafslofthæfis.Áhrifin eru ekki mikil fyrir Ísland þar sem Samgöngustofa telst ekki vera lögbært landsyfirvald fyrir hönnunarfyrirtæki og engin framleiðslufyrirtæki fyrir loftför og íhluti til staðar hér á landi.Lagastoð fyrir innleiðingu gerðar: Lagastoðin er 7. mgr. 28. gr., sbr. 145. gr. laga um loftferðir nr. 60/1998 með síðari breytingum.Rétt væri að reglugerðin yrði innleidd með breytingu á reglugerð nr. 380/2013 um lofthæfi- og umhverfisvottun loftfara og tilheyrandi framleiðsluvara, hluta og búnaðar og vottun hönnunar- og framleiðslufyrirtækja.  Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Gerðin felur ekki í sér kostnað fyrir Samgöngustofu.