Opinbert eftirlit - 32022R0932

Reglugerð (ESB) 2017/625, sem innleidd var með reglugerð nr. 234/2020 um gildistöku reglugerðar Evrópuþingsins og ráðsins (ESB) 2017/625 um opinbert eftirlit og aðra opinbera starfsemi með matvælum, fóðri o.fl.,fellir úr gildi tilskipun ráðsins 96/23/EB (sem íslenska reglugerðin 30/2012 byggir á). 96/23/EB kveður á um ráðstafanir til að fylgjast með tilteknum efnum, þ.m.t. aðskotaefnum í lifandi dýrum og afurðum úr dýraríkinu og settar sérstaklega kröfur um vöktunaráætlanir aðildarríkjanna fyrir greiningu á leifum eða efnum innan gildissviðs þess. Hins vegar tekur reglugerð (ESB) 2017/625 ekki inn allar þær ráðstafanir sem kveðið er á um í þeirri tilskipun eða í gerðum sem framkvæmdastjórnin hefur samþykkt á grundvelli hennar.Með þessari reglugerð, ásamt framkvæmdarreglugerð framkvæmdastjórnarinnar (ESB) 2022/932, er því miðað að því að tryggja samfellu reglnanna í tilskipun 96/23/EB að því er varðar innihald landsbundinnar eftirlitsáætlunar til margra ára og undirbúning hennar, sem og umfang sýna og stig framleiðslu, vinnslu og dreifingar þar sem taka skal sýnin að því er varðar aðskotaefni í matvælum, innan ramma reglugerðar (ESB) 2017/625.Reglugerð þessi er sett með stoð í lögum nr. 93/1995 um matvæli, lögum nr. 25/1993 um dýrasjúkdóma og varnir gegn þeim, lögum nr. 66/1998 um dýralækna og heilbrigðisþjónustu við dýr, lögum nr 14/2022 um dýralyf.