32022R0938

Markmið sem að er stefnt: Markmiðið með gerðinni er að uppfæra ákvæði í viðaukum við reglugerð (ESB) 2017/373 og samræma þau leiðbeiningum ICAO um flugmálagagnaskrá og flugmálahandbók sem og við sambærileg ákvæði í reglugerðum (ESB) 965/2012 og (ESB) nr. 139/2014. Efnisútdráttur: Í framkvæmdarreglugerð framkvæmdastjórnarinnar (ESB) 2017/373 er kveðið á um sameiginlegar kröfur til þeirra sem sjá um flugleiðsöguþjónustu (ATM/ANS) og til starfsemi neta sem notuð eru til flugleiðsöguþjónustu og eftirlit með þeim. Í júní 2020 samþykkti Alþjóðaflugmálastofnunin (ICAO) breytingu á verklagsreglum flugleiðsöguþjónustu – stjórnun flugmálaupplýsinga (PANS-AIM, Doc 10066). Þar voru sett fram ný ákvæði um flugmálahandbók (AIP) og skrár um flugmálagögn sem tóku gildi í samningsríkjum þann 4. nóvember 2021. Með þessari reglugerð eru gerðar breytingar á viðaukum I, III og VI við reglugerð (ESB) 2017/373. Þeim er ætlað að endurspegla framangreindar breytingar frá ICAO. Breytingarnar snúa að því að uppfæra ákvæði um innihald og uppbyggingu AIP í VI. viðauka (AIS-hluta) við reglugerð (ESB) 2017/373. Eftir breytinguna eiga þau að endurspegla núgildandi kröfur í 14. viðauka við Chicago-samninginn um núningsmælingar og birtingu nauðsynlegra flugmálaupplýsinga í gegnum AIP. Þá er gerð breyting á skilgreiningum sem tengjast hugtakinu starfrækslu í skertu skyggni, e. all weather operations, í I. viðauka við reglugerð (ESB) 2017/373. Það er gert til að tryggja samræmi við skilgreiningar í reglugerð (ESB) 965/2012 og (ESB) nr. 139/2014. Skilgreining á SNOWTAM í I. viðauka við reglugerð (ESB) 2017/373 er breytt þannig að hún sé í samræmi við skilgreiningu á SNOWTAM í 15. viðauka við Chicago-samninginn og í samræmi við skilgreiningu í reglugerð (ESB) nr. 139/2014. Samkvæmt núverandi leiðbeiningum um útfyllingu á SNOWTAM formi er ekki hægt að gefa út SNOWTAM við tiltekin rekstrarskilyrði flugbrauta. Því er leiðbeiningum breytt og þær samræmdar við reglugerðir (ESB) 965/2012 og (ESB) nr.139/2014. Umsögn: helstu breytingar, mati á umfangi, og áhrif hér á landi: Gerðin kallar á uppfærslu verklagsreglna og í einhverjum tilfellum hugbúnaðar hjá veitanda upplýsingaþjónustu flugmála. Áhrifin eru minniháttar. Lagastoð fyrir innleiðingu gerðar: Lagastoðin er 188. gr. laga um loftferðir nr. 80/2022.Rétt væri að innleiða reglugerðina með breytingu á reglugerð nr. 720/2019 um sameiginlegar kröfur fyrir veitendur þjónustu á sviði rekstrarstjórnunar flugumferðar/flugleiðsöguþjónustu og á sviði starfsemi neta fyrir rekstrarstjórnun flugumferðar og eftirlit með þeim.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Kostnaður við innleiðingu þessarar reglugerðar er minniháttar. Skörun við starfssvið annarra ráðuneyta: Nei. Horizontal issues: sektir, aðrar refsingar, stofnanir, lönd utan EES: Nei. Þörf fyrir EFTA-komment – aðlaganir sem þegar eru í gildi vegna undanfarandi gerða: Gerðin hefur tilvísanir í reglugerð (ESB) 2017/373 sem er innleidd með aðlögunum í viðauka XIII við EES-samninginn.