Útdráttur
Markmið með gerðinni er annars vegar að leiðrétta rangar tilvísanir. Hins vegar að veita tilteknum hönnunarfyrirtækjum undanþágu frá kröfum sem eiga ekki við um þau. Það er gert með því að breyta reglugerð (ESB) nr. 748/2012 um undanþágur frá tilteknum kröfum samkvæmt reglugerð (ESB) 2022/201. Lítil áhrif hér á landi og kostnaður takmarkaður.
Nánari efnisumfjöllun
Markmið sem að er stefnt: Markmið með gerðinni er annars vegar að leiðrétta rangar tilvísanir. Hins vegar að veita tilteknum hönnunarfyrirtækjum undanþágu frá kröfum sem eiga ekki við um þau. Það er gert með því að breyta reglugerð (ESB) nr. 748/2012 um undanþágur frá tilteknum kröfum samkvæmt reglugerð (ESB) 2022/201. Aðdragandi: Í reglugerð (ESB) 748/2012 er mælt fyrir um sameiginlegar tæknikröfur til hönnunar og framleiðslu borgaralegra loftfara sem og hreyfla, skrúfa og búnaðar til að setja í þau. Samkvæmt reglugerð (ESB) 2018/1139 skulu samþykkt hönnunar- og framleiðslufyrirtæki hafa stjórnkerfi sem tryggir samræmi við kröfur sem settar eru í reglugerðinni, stjórna öryggisáhættu. Fyrirtækin skulu einnig vinna stöðugt að því að bæta þetta kerfi. Með reglugerð framkvæmdastjórnarinnar (ESB) 2022/201 voru settar reglur um stjórnkerfi fyrir öll samþykkt hönnunar- og framleiðslufyrirtæki sem falla undir gildissvið I. viðauka við reglugerð (ESB) 748/2012. Þá var með reglugerð (ESB) 2022/203 innleitt stjórnkerfi vegna atvikatilkynninga, e. management system and occurrence-reporting systems, sem lögbærum yfirvöldum ber að koma á fót. Efnisútdráttur: Með reglugerðum (ESB) 2022/201 og (ESB) 2022/203 var 8. og 9. gr. reglugerðar (ESB) 748/2012 breytt þannig að hönnunar- og framleiðslufyrirtækjum var gefinn aðlögunartími til 7. mars 2025 til að uppfylla endanlega kröfur um innleiðingu kerfanna sem komið var á samkvæmt reglugerð (ESB) 2022/201.Við samþykkt reglugerðar 2022/201 voru gerðar villur við breytingar á 9. gr. reglugerðar (ESB) nr. 748/2012. Ranglega var vísað til framkvæmdareglugerðar 2022/203 í stað 2022/201. Þetta er nú leiðrétt með reglugerð 2022/1253.Þessu til viðbótar var ekki gert ráð fyrir því við breytingu á 9. gr. að tilteknar kröfur um atvikatilkynningar og varðveislu gagna eiga aðeins að takmörkuðu leyti við um fyrirtæki sem framleiða vörur, hluti og búnað án samþykkisvottorðs en með samningsbréfi, e. LoA. Aðlögunartíminn til 7. mars 2025 var því ekki viðeigandi fyrir þau fyrirtæki. Samkvæmt breytingu sem fram kemur með þessari gerð þurfa fyrirtæki með LoA útgefið 7. mars 2023 eða fyrr því ekki að uppfylla kröfurnar sem settar eru fram með reglugerð (ESB) 2022/201. Er reglugerð (ESB) 748/2012 leiðrétt til samræmis við þetta. Umsögn: helstu breytingar, mati á umfangi, og áhrif hér á landi: Reglugerðin hefur mjög takmörkuð áhrif þar sem engin framleiðslufyrirtæki eru á Íslandi og Samgöngustofa hefur nú þegar innleitt stjórnunar- og atvikatilkynningakerfi í gegnum aðrar ESB kröfur.Lagastoð fyrir innleiðingu gerðar: Lagastoðin er 72. gr. laga um loftferðir nr. 80/2022.Rétt væri að innleiða reglugerðina með breytingu á reglugerð nr. 380/2013 um lofthæfi- og umhverfisvottun loftfara og tilheyrandi framleiðsluvara, hluta og búnaðar og vottun hönnunar- og framleiðslufyrirtækja. Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Enginn kostnaður við innleiðingu reglugerðarinnar. Skörun við starfssvið annarra ráðuneyta: NeiHagsmunaaðilar: Framleiðslufyrirtæki.Horizontal issues: sektir, aðrar refsingar, stofnanir, lönd utan EES: Nei. Þörf fyrir EFTA-komment – aðlaganir sem þegar eru í gildi vegna undanfarandi gerða: Gerðin inniheldur tilvísanir í gerðir sem hafa ekki verið teknar upp EES samninginn.