32022R1254

Markmið sem að er stefnt: Markmið með gerðinni er að bæta öryggi í flugi með því að auka kröfur til lofthæfis hjá þeim sem reka stórar flugvélar og þeim sem reka þyrlur sem notaðar á hafi úti. Í þeim tilgangi eru gerðar breytingar á reglugerð (ESB) 2015/640.Aðdragandi: Samkvæmt 3. mgr. 76. gr. reglugerðar (ESB) 2018/1139 gefur Flugöryggisstofnun Evrópu út vottunarforskriftir (CS) og uppfærir þær reglulega. Í þeim tilgangi að tryggja áframhaldandi lofthæfi og öryggi loftfara voru með reglugerð (ESB) 2015/640 gerðar auknar kröfur til lofthæfis. Með þessari gerð, 2022/1254, er tilteknum kröfum sem kveðið er á um í þeirri gerð breytt.Efnisútdráttur: Með þessari gerð, (ESB) 2022/1254, er þeim sem reka stórar flugvélar sem eru fyrst og fremst starfræktar í viðskiptalegum tilgangi og flytja mjög fáa farþega, veitt undanþága frá kröfum sem gerðar eru til farm- og farangursrýma loftfara í D-flokki í reglugerð (ESB) 2020/1159. Er það gert til að létta óþarfa byrðum af rekstar aðilunum. Gerðar hafa verið greiningar á hættu á eldi. Niðurstöður greininga eru að mun minni hætta sé á að eldur kvikni á flugi í farm- eða farangursrými loftfara í D-flokki.Þá eru einnig settar fram nýjar vottunarforskriftir með viðbótarkröfum til lofthæfis sem eiga við um stórar flugvélar, þ.e. í flokki CS-25. Breytingarnar snúa að því að rekstraraðilar slíkra véla komi á fót aðferðum til að lágmarka hættu á að loftþrýstingur í hjólbörðum sé undir lágmarki. Þetta á eingöngu við stórar flugvélar svo fremi að sótt hafi verið um samþykki fyrir hönnun þeirra eftir 22. júní 2021.Þá eru með gerðinni settar fram nýjar kröfur um lofthæfi sem snúa að rekstraraðilum lítilla þyrla, flokkur CS-27 og stórra þyrla, flokki CS-29, sem notaðar eru í löng flug á hafi úti, e. offshore operations. Þær kröfur eru settar með það að markmiði að bæta öryggi við nauðlendingu á vatni. Í samræmi við nýjar forskriftir þurfa þyrlurnar að vera vottaðar fyrir nauðlendingu á vatni  eða að neyðarflotkerfi, e. emergency flotation systems, hafi verið sett á þær.Umsögn: helstu breytingar,  mati á umfangi, og áhrif hér á landi: Gerðin hefur takmörkuð áhrif hér á landi. Hún snýr að hönnunarfyrirtækjum og hefur ekki áhrif á loftför sem eru þegar í notkun.Lagastoð fyrir innleiðingu gerðar: Lagastoð er 72. gr. laga um loftferðir nr. 80/2022. Innl. með breytingu á reglugerð nr. 926/2015 um viðvarandi lofthæfi loftfara og flugtæknilegra framleiðsluvara, hluta og búnaðar og um samþykki fyrir viðhaldsstöðvum og starfsfólki á þessu sviðiMat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Óverulegur kostnaður metinn vegna innleiðingar þessarar reglugerðar. Skörun við starfssvið annarra ráðuneyta: NeiTilgreining á hagsmunaaðilum: Hönnunarfyrirtæki, rekstraraðila stórra flugvéla og þyrla.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.