Útdráttur
Kveðið er á um nýjar einfaldari reglur fyrir loftför sem eru notuð í tómstundaflug. Reglurnar miða að því að auka hagkvæmni fyrir hönnunarfyrirtækin og draga úr stjórnsýslulegum byrðum án þess að komi niður á flugöryggi. Með gerðinni eru settar nýjar reglur sem snúa að vottunar- eftirlits- og framfylgdarverkefnum lögbærra yfirvalda til að tryggja samræmi í reglum um loftför sem fyrst og fremst eru ætluð til notkunar í íþrótta- og tómstundaiðkun. Lítil áhrif. Kostnaður óverulegur.
Nánari efnisumfjöllun
Markmið sem að er stefnt: Markmiðið er að einfalda reglur fyrir loftför sem eru notuð í tómstundaflug. Reglurnar miða að því að auka hagkvæmni fyrir hönnunarfyrirtækin og draga úr stjórnsýslulegum byrðum án þess að komi niður á flugöryggi.Efnisútdráttur: Í reglugerð (ESB) nr. 748/2012 er mælt fyrir um kröfur um lofthæfi og umhverfisvottun framleiðsluvara, hluta og búnaðar borgaralegra loftfara sem og hreyfla, skrúfa og hluta til að setja í þau og vottun hönnunarfyrirtækja.Með þeirri reglugerð sem hér er til umfjöllunar er kveðið á um um nýjar einfaldari reglur fyrir loftför sem eru notuð í tómstundaflug. Reglurnar miða að því að auka hagkvæmni fyrir hönnunarfyrirtækin og draga úr stjórnsýslulegum byrðum án þess að komi niður á flugöryggi. Með gerðinni eru settar nýjar reglur sem snúa að vottunar- eftirlits- og framfylgdarverkefnum lögbærra yfirvalda til að tryggja samræmi í reglum um loftför sem fyrst og fremst eru ætluð til notkunar í íþrótta- og tómstundaiðkun.Kveðið er á um aðlögunartíma fyrir fyrirtækin til að tryggja að þau geti uppfyllt nýjar reglur og verklagsreglur. Sami aðlögunartími verður gefinn lögbærum yfirvöldum.Breyta þarf reglugerð (ESB) nr. 748/2012 vegna þessara nýju reglna.Ákvæði gerðarinnar eru í samræmi við álit EASA nr. 05/2021 og ákvæði reglugerðar (ESB) 2018/1139.Umsögn: helstu breytingar, mati á umfangi, og áhrif hér á landi: Gerðin hefur í för með sér breytingar sem eiga aðallega við um hönnunarfyrirtæki sem hanna loftför í þessum flokki og framleiðslufyrirtæki. Hvorugt á við um Ísland og mun líklega ekki vera í nánustu framtíð. Samgöngustofa þarf að framkvæma mat vegna gerðarinnar er varðar útgáfu lofthæfivottorða, en það eru minniháttar áhrif.Lagastoð fyrir innleiðingu gerðar: Lagastoðin er 7. mgr. 28. gr., sbr. 145. gr. laga um loftferðir nr. 60/1998 með síðari breytingum.Rétt væri að reglugerðin yrði innleidd með breytingu á reglugerð nr. 380/2013 um lofthæfi- og umhverfisvottun loftfara og tilheyrandi framleiðsluvara, hluta og búnaðar og vottun hönnunar- og framleiðslufyrirtækja.Mat eða tilgreining á kostnaði hins opinbera, sveitarfélaga og atvinnulífs og , ef einhver er: Enginn kostnaður metinn vegna innleiðingar gerðarinnar.Skörun við starfssvið annarra ráðuneyta: NeiTilgreining á hagsmunaaðilum: Hönnunar- og framleiðslufyrirtæki sem eru að vinna með loftför í þessum flokki. Engin slík fyrirtæki eru starfandi á ÍslandiHorizontal issues: sektir, aðrar refsingar, stofnanir, lönd utan EES: NeiÞörf fyrir EFTA-komment – aðlaganir sem þegar eru í gildi vegna undanfarandi gerða: Gerðin inniheldur tilvísanir í reglugerð (ESB) 2018/1139 sem hefur ekki verið tekin upp í EES-samninginn.
