Framkvæmdareglugerð Framkvæmdastjórnarinnar (ESB) 2022/1365 um breytingu á Framkvæmdareglugerð Framkvæmdastjórnarinnar (ESB) 2017/2470 að því er varðar skilyrði fyrir notkun á nýfæðinu Schizochytrium sp. olíu sem er auðug af DHA og EPA

Gerðin varðar reglugerð (ESB) 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði. Sótt hefur verið um leyfi til breytinga á notkunarskilyrðum fyrir nýfæðið Schizochytrium sp. olíu sem er auðug af DHA og EPA  í samræmi við gr.10.1 í reglugerð (ESB) nr. 2015/2283. Umsækjandi sótti um leyfi til að nota Schizochytrium sp. olíuna í fiskhliðstæður (fish analogues) og kjöthliðstæður (meat analogues) í magni allt að 300 mg/100 g.  Varan er ætluð almennum neytendum.  Framkvæmdastjórnin telur að breytingin sem óskað var eftir sé ekki líkleg til að hafa áhrif á heilsu neytenda og að ekki sé ástæða til að leita umsagnar Matvælaöryggisstofnunar Evrópu (EFSA). Viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.