Útdráttur
Með reglugerðinni er verið að breyta reglugerð Evrópuþingsins og ráðsins (EB) nr. 1223/2009 um snyrtivörur varðandi CMR-efni (krabbameinsvaldandi, stökkbreytandi eða hafa eiturhrif á æxlun). Breytingar fela í sér að uppfæra skrá í II. viðauka yfir innihaldsefni sem eru ekki leyfileg í snyrtivörum og skrá í III. viðauka yfir innihaldsefni sem falla undir skilyrði varðandi notkun í snyrtivörum ásamt leiðréttingum í V. viðauka sem er skrá yfir leyfileg rotvarnarefni í snyrtivörum.
Nánari efnisumfjöllun
Með reglugerðinni er verið að breyta reglugerð Evrópuþingsins og ráðsins (EB) nr. 1223/2009 um snyrtivörur.Samkvæmt 15. gr. reglugerðar (EB) nr. 1223/2009 um snyrtivörur skulu efni sem eru flokkuð sem krabbameinsvaldandi, stökkbreytandi eða hafa eiturhrif á æxlun (CMR) í undirflokki 1A, 1B eða flokki 2 vera bönnuð í snyrtivörum nema að þau falli undir undantekningar sem eru tilgreindar í 2. málsl. 1. mgr. 15. gr. eða í annarri undirmálsgrein 2. mgr. 15. gr. sömu reglugerðar.Í samræmi við framselda reglugerð (ESB) 2021/849, sem kemur til framkvæmda þann 17. desember 2022, þá er efnum sem flokkuð eru sem CMR efni samkvæmt hættuflokkun í samræmi við reglugerð (EB) no. 1272/2008 um flokkun, merkingu og umbúðir efna og efnablandna einnig bætt við eða fjarlægð af skrám um efni sem eru bönnuð eða háð takmörkunum í viðaukum II. til VI. í reglugerð (EB) nr. 1223/2009 um snyrtivörur.Færslum er bætt við, þær felldar út eða leiðréttar í II., III. og V. viðauka við reglugerð (ESB) nr. 1223/2009 í eins og fram kemur í viðauka við þessa reglugerð. Breytingarnar eru sem hér segir:Metýl salýsílat (metýl 2-hýdroxýbenzóat, CAS 119-36-8) hefur verið flokkað sem CMR efni í flokki 2 (eiturhrif á æxlun), það er talið öruggt til notkunar í snyrtivörum í tilgreindum styrk með takmörkunum þar sem ekki skal nota metýl salýsílat í vörum sem eru í sprey/úðabrúsum, förðunarvörum fyrir andlit og vörum fyrir börn undir 6 ára að undanteknum tannkremum. Metýl salýsílat verður því bætt við í nýrri færslu í III. viðauka við reglugerð (ESB) nr. 1223/2009. Efnum sem voru flokkuð sem CMR efni, alls 14 efni, er bætt við sem nýjum færslum í II. viðauka við reglugerð (ESB) nr. 1223/2009 um snyrtivörur í skrá sem tilgreinir þau efni sem eru ekki leyfileg sem innihaldsefni í snyrtivörum. Natríum N-(hýdroxýmetýl)glycín (Sodium N-(hydroxymethyl)glycinate, CAS 70161-44-3) var flokkað sem CMR efni en er leyfilegt sem rotvarnarefni og er á skrá í færslu nr. 51 í V.viðauka við reglugerð (ESB) nr. 1223/2009 en er einnig á skrá yfir bönnuð innihaldsefni í snyrtivörum í II.viðauka við reglugerðina. Efni skulu ekki vera á báðum skrám og því er natríum N-(hydroxýmetýl)glycín fellt út úr skrá í II.viðauka við reglugerðina. Nafn efnisins natríum N-(hýdroxýmetýl)glycín er einnig leiðrétt í færslu nr. 51 í V. viðauka við reglugerðina ásamt leiðréttingu á orðalagi varðandi skilyrði er varða formaldehýðlosun í sömu færslu.Reglugerðin tók gildi á 20. degi eftir birtingu hennar í Stjórnartíðindum Evrópusambandsins og kemur til framkvæmda 17. desember 2022.
