Efni í snertingu við matvæli - 32022R1616

Gerðin varðar reglugerð (ESB) nr. 282/2008 um efnivið og hluti úr endurunnu plasti sem ætlað er að komast í snertingu við matvæli. Reglugerð 282/2008 verður felld brott og í stað hennar kemur ný reglugerð um endurunnið efni og hluti úr plasti til notkunar í matvælasnertiefni.Ný reglugerð hefur í för með sér eftirfarandi breytingar:-Reglugerð (EB) nr. 282/2008 er felld úr gildi;-það er ekki lengur hægt að nota endurunnið plastefni í snertingu við matvæli (FCM) sem framleitt er samkvæmt landsbundinni löggjöf;- sérstakar reglur munu gilda um markaðssetningu plasts með endurunnu innihaldi, þar með talið um söfnun og flokkun plastsins, afmengun þess og umbreytingu, sem munu einnig hafa áhrif á gæðaeftirlit, skjöl og merkingar;- skrá Sambandsins yfir endurvinnsluaðila og endurvinnslustöðvar er komið á og verður birt á vefsíðu Framkvæmdastjórnarinnar;- allar gerðir endurunnins plasts og endurvinnslutækni falla undir gildissvið reglugerðarinnar, þar á meðal vélræn endurvinnsla, endurvinnsla á vörum úr lokaðri og stýrðri vörukeðju, notkun á endurunnu plasti á bak við virkan tálma og efnaendurvinnsla;- nýjar reglur sem gilda um nýja endurvinnslutækni og mat á endurvinnsluferlum taka gildi. Nokkur bráðabirgðaákvæði er að finna í reglugerðinni, þau helstu eru:- Endurunnið plast fengið með endurvinnsluferli sem byggir á viðkenndri endurvinnslutækni og gild umsókn hefur verið lögð fyrir lögbært yfirvald í samræmi við reglugerð 282/2008 eða í samræmi við þessa reglugerð má setja á markað þar til umsækjandi dregur umsókn sína til baka eða þar til  framkvæmdastjórnin samþykkir að veita eða synja um leyfi fyrir endurvinnsluferlinu.- Endurunnið plast framleitt með endurvinnsluferlum sem byggjast á endurvinnslutækni sem er ekki talið fullnægjandi samkvæmt þessari reglugerð má halda áfram að setja á markað til 10. júlí 2023.- Stjórnendum matvælafyrirtækja er heimilt að nota endurunnið plastefni og hluti sem eru settir á markað með löglegum hætti til að pakka matvælum og setja það á markað þar til birgðir klárast.