Innleiðing framkvæmdastjórnarinnar (ESB) 2022/2299 á reglugerð Evrópuþingsins og ráðsins (ESB) 2018/1999 að því er varðar uppbyggingu, snið, tæknilegar upplýsingar og ferli fyrir samþættar framfaraskýrslur ríkja í orku- og loftslagsmálum. - 32022R2299

Í stuttu máli fjallar innleiðing framkvæmdastjórnarinnar (ESB) 2022/2299 (hér eftir „gerðin“) aðallega um nánari framkvæmd á 17. gr. reglugerðar (ESB) 2018/1999, þ.e. er varðar uppbyggingu, snið, tæknilegar upplýsingar og ferli fyrir samþættar framfaraskýrslur aðildarríkja í orku- og loftslagsmálum. Í reglugerð (ESB) 2018/1999 er kveðið á um að aðildarríkin leggi fyrir framkvæmdastjórnina samþættar innlendar orku- og loftslagsáætlanir sem ná yfir tíu ára tímabil og reiða sig á tveggja þrepa nálgun með eftirfarandi hætti: að setja innlend markmið, markmið og framlög fyrir allar fimm víddir Orkusambandsins (e. Energy Union);að skipuleggja viðeigandi stefnur og aðgerðir til að ná þeim fram. Hvað sem því líður er hins vegar ljóst að 17. gr. reglugerðar (ESB) 2018/1999 hefur ekki verið innleidd í EES-samninginn, enda var reglugerðin aðeins innleidd hér á landi að hluta, sbr. ákvörðun sameiginlegu EES-nefndarinnar nr. 269/2019. Einungis eftirfarandi ákvæði reglugerðarinnar gilda:- Ákvæði .1-10. mgr. 2. gr., 12.-13. mgr. 2. gr., 15.-17. mgr. 2. gr., 18. gr., 2.-7. mgr. 26. gr., b-liður 5. mgr. 29. gr., 37.-42. gr., a-liður 1. mgr., 2.-3. mgr. og 6. mgr. 44. gr., 57.-58. gr., og V.-VII. viðauki og XII.-XIII. viðauki.Að því sögðu gæti 11. gr. gerðarinnar, varðandi skýrslugjöf um áhrif á loftgæði og um losun loftmengunarefna, og viðauki XIV komið til innleiðingar í EES-samninginn. Slíkt myndi auka kröfur um mat á aðgerðum sem hafa áhrif á losun gróðurhúsalofttegunda og loftmengunarefna. Nú þegar er verið að meta áhrif aðgerða á losun gróðurhúsalofttegunda (eins og hægt er), en við þetta mun bætast krafa um að meta áhrif aðgerða á 5 loftmengunarefni: SO2, NOx, NMVOC, NH3, PM2,5 og mögulega fleiri.Þar sem teymi losunarbókhalds hjá Umhverfisstofnun er nú þegar að meta áhrif aðgerða á losun gróðurhúsalofttegunda (eins og hægt er), virðist ekki vera mikil aukavinna skapast við að meta áhrif aðgerða á þessi 5 loftmengunarefni. Umfang viðbótarvinnunar veltur þó að mestu leyti á fjölda og tegunda aðgerða sem þarf að meta. Miðað við fjölda og umfang aðgerða sem er verið að meta í dag, ætti umfang verkefnisins að rúmast innan núverandi starfsgetu teymisins.