32023D1084

Sæfivaran A-Quasan, sem inniheldur virka efnið bensósýru, er með landsbundið markaðsleyfi í Þýskalandi til notkunar sem sótthreinsivara í vöruflokki 3, hreinlætisvörur fyrir dýr. Leyfð notkun er sótthreinsun á sviði heilbrigðisþjónustu við dýr, þ.á.m. dýralæknastofum og skurðstofum, yfirborðum, búnaði og hlutum fyrir félagsdýr.Þann 15. júní 2021 var sótt um gagnkvæma viðurkenningu á landsbundnu markaðsleyfi A-Quasan til lögbæra yfirvaldsins í Hollandi. Við mat á umsókninni komst Holland að þeirri niðurstöðu að sæfivaran uppfyllti ekki skilyrði a-liðar 1. mgr. 19. gr. reglugerðar (ESB) nr. 528/2012 fyrir notkun hennar á skurðstofum á sviði heilbrigðisþjónustu við dýr þar sem slík notkun myndi falla undir vöruflokk 2 og bensósýra er ekki samþykkt til notkunar í þeim vöruflokki. Holland vísaði andmælum til samræmingarhópsins.Samræmingarhópurinn komst ekki að niðurstöðu svo Þýskaland vísaði óleystum andmælunum til framkvæmdastjórnarinnar, sem komst að þeirri niðurstöðu að notkun sæfivörunnar ætti að flokkast undir vöruflokk 3. Þar sem nota á sæfivöruna til sótthreinsunar á sviði heilbrigðisþjónustu við dýr, ætti að telja hana sem sótthreinsivöru, sem notuð er í þeim tilgangi að stuðla að hreinlæti fyrir dýr. Framkvæmdastjórnin telur því að sæfivaran uppfylli skilyrði a-liðar 1. mgr. 19. gr. reglugerðar (ESB) nr. 528/2012 fyrir sótthreinsun yfirborðs á sviði heilbrigðisþjónustu við dýr, þ.á.m. skurðstofum.