Útdráttur
Með ákvörðun (ESB) 2023/2440 er heildarfjöldi losunarheimilda fyrir flug (e. Union-wide total quantity of allowances), í viðskiptakerfi ESB með losunarheimildir, sem getið er 5. mgr. 3. gr. c í tilskipun 2003/87/EB, ákveðinn fyrir árið 2024.
Heildarfjöldinn er: 28 866 578 losunaheimildir.
Nánari efnisumfjöllun
Í formála við ákvörðun (ESB) 2023/2440, sem hér er til greiningar, koma fram eftirfarandi upplýsingar: Í 3. gr. c í tilskipun 2003/87/EB um viðskiptakerfi ESB með losunarheimildir (hér eftir nefnd ETS-tilskipunin) er sett upp reikniaðferð fyrir heildarfjölda losunarheimilda sem úthlutað verður til flugrekenda fyrir árið 2024 í viðskiptakerfi ESB með losunarheimildir (hér eftir ETS), vegna flugs innan Evrópska efnahagssvæðisins (EES) og flugs til Sviss og Bretlands. Þessar losunarheimildir vegna flugs eru viðbót við (e. supplement to) þær 1 386 051 745 losunarheimildir sem ákveðnar voru með ákvörðun framkvæmdastjórnarinnar (ESB) 2023/1575 um heildarfjölda losunarheimilda í ETS á árinu 2024. Með tilskipun (ESB) 2023/958, voru gerðar þær breytingar á ETS-tilskipuninni að heildarfjöldi losunarheimilda sem skal úthlutað til flugrekenda á árinu 2024 er byggður á heildarúthlutun losunarheimilda til flugrekenda sem stunduðu flugstarfsemi sem fellur undir I. viðauka ETS-tilskipunarinnar á árinu 2023, með þeim lækkunarstuðli sem getið er í 9. gr. ETS tilskipunarinnar. Sem fyrsta skref, ákvað framkvæmdastjórnin heildarfjölda losunarheimilda hvað varðar flugrekendur sem að stunduðu starfsemi sem listuð er í I. viðauka við ETS-tilskipunina á árinu 2023 - þær samanstóðu af 85% heimilda sem úthlutað var endurgjaldslaust og 15% sem að voru boðnar upp. Samkvæmt 7. mgr. 3. gr. c í ETS-tilskipuninni, skal auka fjölda losunarheimilda í samræmi við hlutfall úthlutunar hvað varðar flug sem falla undir ETS frá 1. janúar 2024, sem eru flug milli flugvalla á ysta svæði aðildarríkis og flugvalla í öðru aðildarríki, og draga úr fjölda heimilda í hlutfalli við úthlutun hvað varðar flug sem að ekki falla lengur undir ETS- frá 1. janúar 2024 og eru flug sem að flogin eru innan sama ysta svæðis (e. outermost region). Fjöldinn er: 30 259 690 losunarheimildir. Með tilskipun (ESB 2023/958) var línulegur lækkunarstuðull hækkaður úr 2,2% í 4,3% fyrir árin 2024-2027. Lækkunarstuðull upp á 4,4% gildir frá árinu 2028. Til að beita lækkuninni upp á 4,3% fyrir árið 2024, miðað við árið 2023, er línulegi lækkunarstuðullinn byggður á úthlutun fyrir árið 2020, og telur 1 393 112 heimildir á hverju ári fyrir árin 2024-2026. Í þessu felst að heildafjöldi losunarheimilda fyrir árið 2024 er: 28 866 578. Til að reikna út endurgjaldslausa úthlutun til flugrekenda í samræmi við 1. mgr. 3. gr. d í ETS-tilskipuninni, skal framkvæmdastjórnin, í samræmi við 5. mgr. 3. gr. c í ETS-tilskipuninni birta fjölda endurgjaldslausra losunarheimilda sem hefði verið úthlutað án endurgjalds á árinu 2024, samkvæmt þeim reglum sem giltu fyrir þær breytingar sem gerðar voru á ETS tilskipuninni, með tilskipun (ESB) 2023/958. Þetta eru 85% af heildafjölda losunarheimilda úthlutuðum til flugrekendur eða til að auka við nýsköpunarstuðning í gegnum nýsköpunarsjóðinn, sem settur var á stofn með 8. mgr. 10. gr. a í ETS-tilskipuninni. Heildarfjöldi losunarheimilda sem úthlutað verður til flugrekenda fyrir árið 2024 og árleg lækkun á losunarheimildum sem gefnar verða út, gildir fyrir ríki á Evrópska efnahagssvæðinu (EES) og fyrir ríki Fríverslunarsamtaka Evrópu (EFTA). Ákvörðunin sjálf telur aðeins þrjár greinar: Heildarfjöldi heimilda sem úthlutað verður hvað varðar flugrekendur fyrir árið 2024, og getið er í 5. mgr. 3. gr. c í ETS-tilskipuninni er: 28 866 578. Fjöldi heimilda sem hefði verið úthlutað endurgjaldslaust á árinu 2024 í samræmi við þær reglur sem giltu fyrir þær breytingar sem gerðar voru á ETS tilskipuninni, með tilskipun (ESB) 2023/958 er: 24 536 591. Ákvörðunin tók gildi gagnvart aðildarríkjum Evrópusambandsins í nóvember 2023.