32023D2630

Lettland er tilvísunaraðildarríkið sem metur umsókn um landsbundið leyfi fyrir sæfivörunni Procalx. Umsækjandi sótti samhliða um gagnkvæma viðurkenningu á landsbundnu leyfi í Noregi og Bretlandi. Varan inniheldur virka efnið kalsíumoxíð og er ætluð til notkunar sem sótthreinsir í vöruflokki 3. Varan er ætluð til notkunar í atvinnuskyni í lagareldi til minnka laxalús í netkvíum, þ.e. áður en lúsin finnur sér hýsil.Ákvörðunin kemur í kjölfar andmæla Noregs til samræmingarhópsins þar sem Noregur telur vöruna ekki falla undir gildissvið reglugerðar (ESB) nr. 528/2012 og uppfyllir því ekki skilyrði 19. gr. reglugerðarinnar.Engin niðurstaða náðist í samræmingarhópnum svo Lettland vísaði andmælunum til framkvæmdastjórnarinnar í samræmi við 1. mgr. 36. gr. reglugerðar (ESB) nr. 528/2012.Með ákvörðuninni hefur framkvæmdastjórnin ákvarðað að þessi tiltekna notkun vörunnar sé ekki sótthreinsun og því geti varan ekki fallið undir vöruflokk 3 og uppfyllir því ekki skilyrði fyrir leyfisveitingu fyrir þann vöruflokk. Þessi tiltekna notkun myndi frekar falla undir vöruflokk 18 en virka efnið kalsíumoxíð er hvorki samþykkt né í áhættumati til notkunar í þeim vöruflokki. Þar sem sæfivaran er nú talin sem skordýraeitur gæti hún einnig fallið undir gildissvið reglugerðar (ESB) 2019/6 um dýralyf.