32023D2672

Finnland er tilvísunaraðildarríkið sem metur umsókn um landsbundið leyfi fyrir flokki skyldra sæfivara undir heitinu INTEROX Biocidal Product Family 2. Umsækjandi sótti samhliða um gagnkvæma viðurkenningu á landsbundnu leyfi í fleiri aðildarríkjum, þ.á.m. Frakklandi. Ákvörðunin kemur í kjölfar andmæla Frakklands til samræmingarhóps vegna atriða í matsskýrslu Finnlands sem snúa að sönnun á virkni varanna fyrir ætlaða notkun og að vörurnar ættu ekki að hættuflokkast. Frakkland vildi þar af leiðandi meina að umræddur flokkur skyldra sæfivara uppfyllti ekki skilyrði sem mælt er fyrir um í d)-lið og  i)-lið b)-liðar 1. mgr. 19. gr. reglugerðar (ESB) nr. 528/2012.Engin niðurstaða náðist í samræmingarhópnum svo Finnland vísaði andmælunum til framkvæmdastjórnarinnar í samræmi við 1. mgr. 36. gr. reglugerðar (ESB) nr. 528/2012.Með ákvörðuninni hefur framkvæmdastjórnin ákvarðað að þær prófanir sem liggja til grundvallar með umsókninni sýni ekki að vörurnar séu nægilega virkar fyrir ætlaða notkun og því uppfylli þær ekki skilyrði fyrir leyfisveitingu sem mælt er fyrir um í i)-lið b)-liðar 1. mgr. 19. gr. reglugerðar (ESB) nr. 528/2012. Vegna þessarar niðurstöðu var ekki talin þörf á að taka sérstaklega ákvörðun um andmæli við d)-lið sömu málsgreinar.