32023L0171

Í III. viðauka við tilskipun 2011/65/ESB um takmarkanir á notkun tiltekinna, hættulegra efna í raf- og rafeindabúnaði (RoHS) er að finna lista yfir notkun sem er undanþegin takmörkunum sem settar eru fram í 1. mgr. 4. gr. tilskipunarinnar. Meðal þeirra efna sem talin eru upp í II. viðauka við RoHS, og óheimilt er að nota í raftækjum í magni umfram það sem viðaukinn tilgreinir, er sexgilt króm.Í þessari tilskipun er verið að veita undanþágu til 31. desember 2026 til að nota sexgilt króm í allt að 0,7% styrk þess þegar það kemur fyrir sem ryðvarnarefni í vinnuvökva í kolefnisþéttri rás gasísogsvarmadæla til hitunar á rými og vatni sem fellur undir flokk 1, stór heimilistæki. Þessi undanþága er veitt þar sem umskipti úr sexgildu krómi er ekki vísindalega eða tæknilega framkvæmanlegt að svo stöddu við þessa tilteknu notkun. Að auki eru staðgöngulausnir fyrir hitunartækni ekki að bjóða upp á sömu virkni og frammistöðu.Notkun á sexgildu krómi er einnig háð takmörkunum undir reglugerð (EB) nr. 1907/2006 REACH. Talið er að ákvörðun þessi muni ekki hafa áhrif á markaðsleyfi sem hafa verið gefin út á forsendum REACH þar sem reglugerðin og tilskipunin eru settar fram óháðar hvor annarri.Tilskipunin tekur gildi á tuttugasta degi eftir birtingu hennar í Stjórnartíðindum ESB og þurfa aðildarríkin innleiða ákvæði hennar innan 6 mánaða frá gildistöku.