32023L0970

Í þessari tilskipun er mælt fyrir um lágmarkskröfur til að efla beitingu meginreglunnar um jöfn laun karla og kvenna fyrir sömu eða jafnverðmæt störf („jafnlaunareglan“), sem bundin er í 157. gr. sáttmálans um starfshætti Evrópusambandsins, og bannsins við mismunun, sem mælt er fyrir um í 4. gr. tilskipunar 2006/54/EB, einkum með launagagnsæi og efldu framfylgdarfyrirkomulagi.Tilskipun þessi gildir um vinnuveitendur hjá hinu opinbera og í einkageiranum. Hún gildir um allt launafólk með ráðningarsamning eða ráðningarsamband í skilningi gildandi laga, kjarasamninga og/eða venju í hverju aðildarríki, að teknu tilliti til dómaframkvæmdar Dómstólsins. Að því er 5. gr. varðar gildir þessi tilskipun um umsækjendur um störf.Meðal annars er kveðið á um að aðildarríki skulu gera nauðsynlegar ráðstafanir til að tryggja að launakerfi vinnuveitenda tryggi jöfn laun fyrir sömu eða jafnverðmæt störf. Einnig að  í samráði við jafnréttisstofnanir, gera nauðsynlegar ráðstafanir til að tryggja að greiningartæki eða -aðferðir séu gerðar aðgengilegar og að greiður aðgangur sé að þeim til að styðja og leiðbeina við mat og samanburð á virði starfa í samræmi við viðmiðanirnar sem settar eru fram í þessari grein. Þessi tæki eða aðferðir skulu gera vinnuveitendum og/eða aðilum vinnumarkaðarins kleift að koma auðveldlega á fót og nota kynhlutlaus starfsmats- og starfaflokkunarkerfi sem útiloka alla mismunun í launum á grundvelli kyns.