32023L1526

Í IV. viðauka við tilskipun 2011/65/ESB um takmarkanir á notkun tiltekinna, hættulegra efna í raf- og rafeindabúnaði (RoHS) er að finna lista yfir notkun sem er undanþegin takmörkunum sem settar eru fram í 1. mgr. 4. gr. tilskipunarinnar. Meðal þeirra efna sem talin eru upp í II. viðauka við RoHS, og óheimilt er að nota í raftækjum í magni umfram það sem viðaukinn tilgreinir, er blý.Í þessari tilskipun er verið að veita undanþágu til 31. desember 2023 til að nota blý í pólývínýlklóríði (PVC) sem er notað sem grunnefni í tiltekna nema fyrir lækningatæki til sjúkdómsgreininga í glasi. Þessi undanþága er veitt þar sem staðgönguefni fyrir blý í tilteknum nemum er ekki tilbúið að fullu, en núverandi staðgönguefni eru ekki áreiðanleg fyrir allar breytur, einkum kreatíníni og köfnunarefni úr þvagi í blóði, eða hafa litla nákvæmni fyrir þær.Tilskipunin tekur gildi á tuttugasta degi eftir birtingu hennar í Stjórnartíðindum ESB og þurfa aðildarríkin að innleiða ákvæði hennar innan fimm mánaða frá gildistöku.