32023L2225

Um er að ræða tilskipun Evrópuþingsins og ráðsins 2023/2225/EB sem leysir af hólmi tilskipun Evrópuþingsins og ráðsins 2008/48/EB sem hefur verið tekin upp í EES-samninginn og innleidd í íslenskan rétt. Stjórnskipulegur fyrirvari hefur verið gerður við ákvörðun sameiginlegu EES-nefndarinnar af hálfu Íslands þar sem þörf er á lagabreytingum vegna innleiðingar tilskipunarinnar í íslenskan rétt.
Tilskipunin felur í sér umtalsverðar breytingar með það að markmiði að styrkja neytendavernd, uppfæra reglur í samræmi við þá stafrænu þróun sem hefur átt sér stað frá gildistöku tilskipunar 2008/48/EB og stuðla að auknu samræmi í reglum um neytendalán á EES-svæðinu. Meðal helstu breytinga sem tilskipunin felur í sér er að gildissvið hennar er víkkað, nýjar reglur sem taka mið af notkun gervigreindar og sjálfvirkar ákvörðunartöku við lánshæfismat og strangari reglur um markaðssetningu á neytendalánum.