Nýfæði - 32023R0058

Gerðin varðar reglugerð (ESB) 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði.Sótt hefur verið um leyfi til markaðssetningar á Alphitobius diaperinus lirfum á frosnu, hökkuðu, þurrkuðu og möluðu formi sem nýfæði. Umsækjandi sótti um leyfi til að nota frosnar, hakkaðar, þurrkaðar og malaðar Aitobius diaperinus lirfur sem innihaldsefni í ýmsar gerðir matvæla sem ætluð eru almennum neytendum og um um notkun á möluðum og þurrkuðum Aitobius diaperinus lirfum í fæðubótarefni ætluðu fullorðnum.Framkvæmdastjórnin óskaði umsagnar Matvælaöryggisstofnunar Evrópu (EFSA) sem skilaði áliti og telur að efnið sé öruggt til notkunar í þær tegundir matvæla og í því magni sem sótt var um leyfi fyrir. Í álitinu kemur fram að lítið sé til af upplýsingum um hugsanleg ofnæmisviðbrögð vegna Alphitobius diaperinus og að tiltæk gögn séu misvísandi. Því er ekki talin ástæða til að merkja vörur sem innihalda Alphitobius diaperinus sem hugsanlega ofnæmisvalda. Í álitinu kemur fram að neysla Aitobius diaperinus geti framkallað ofnæmisviðbrögð hjá neytendum sem hafa ofnæmi fyrir lindýrum, krabbadýrum og rykmaurum, því þurfi að merkja Alphitobius diaperinus eða vörur sem innihalda hana í samræmi við 9. gr. í reglugerð (ESB) 2015/2283.Umsækjandi fór fram á að hluti af rannsóknunum sem umsóknin byggist á njóti gagnaverndar, sbr. gr. 26.1 í reglugerð 2015/2283 og að umsækjandi hafi einkarétt á að vísa í hluta af þeim rannsóknum sem umsóknin byggir á, sbr. gr.  26.2 í reglugerð 2015/2283.Eftir að hafa skoðað gögn málsins ákvað framkvæmdastjórnin að fallast á beiðnina og veitti umsækjanda einkarétt á að vísa til fyrrgreindra rannsókna. Einkaleyfið gildir í fimm ár frá gildistöku þessarar reglugerðar. Því er umsækjenda veitt einkaleyfi á að markaðssetja nýfæði byggt á þessari reglugerð til fimm ára. Einkarétturinn kemur hins vegar ekki í veg fyrir að aðrir aðilar geti sótt um leyfi fyrir sama nýfæði ef umsókn er byggð á löglega fengnum gögnum.Viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.