Útdráttur
Í kjölfar gildistöku reglugerðar (ESB) 2019/1239 voru skipaðir starfshópar til að yfirfara viðauka við reglugerðina. Á grundvelli niðurstöðu hópanna er nú verið að uppfæra viðauka I og setja nýjan viðauka II. Tvenns konar breytingar eru gerðar. Listi yfir tilkynningar á grundvelli Evrópugerða í I viðauka er uppfærður. Því til viðbótar eru skilgreiningar á því á grundvelli hvaða upplýsinga, gagna og skjala fulltrúar einstakra ríkja skulu geta tekið á móti upplýsingum og miðlað í kjölfarið sem og á hvaða formi þær skulu vera. Gerðin snertir nokkrar stofnanir sem leita þarf umsagnar hjá. Áhrif hér á landi og aukinn kostnaður.
Nánari efnisumfjöllun
Markmið sem að er stefnt: Tilgangurinn með reglugerðinni er að samræma þau gögn sem senda skal skv. reglugerð 2019/1239 auk þess að uppfæra tilvísanir í þeim.Aðdragandi: Í kjölfar gildistöku reglugerðar (ESB) 2019/1239 voru skipaðir starfshópar til að yfirfara viðauka við reglugerðina. Á grundvelli niðurstöðu hópanna er nú verið að uppfæra viðauka I og setja nýjan viðauka II. Tvenns konar breytingar eru gerðar. Listi yfir tilkynningar á grundvelli Evrópugerða í I viðauka er uppfærður. Því til viðbótar eru skilgreiningar á því á grundvelli hvaða upplýsinga, gagna og skjala fulltrúar einstakra ríkja skulu geta tekið á móti upplýsingum og miðlað í kjölfarið sem og á hvaða formi þær skulu vera. Sem dæmi má nefna stafalengd sem kerfi skulu geta tekið á móti er skilgreind, form svara auk annars.Efnisútdráttur: Í viðauka I er tekið saman hvaða skjöl, gögn og upplýsingar er skylt að senda skv. Evrópugerðum. Í viðauka II eru tæknilegar upplýsingar fyrir SafeSeaNet kerfið til móttöku upplýsinga, form og viðmið.Í viðauka I er farið ítarlega yfir tilkynningarskyldar gerðir.Í viðauka II er fjallað um tæknilega útfærslu kerfisins.Í viðauka I er einnig vísað til tilkynninga samkvæmt eftirfarandi gerðum:Tilskipun 2002/59/EB um stofnun eftirlits- og upplýsingakerfis bandalagsins fyrir umferð á sjó, innleidd í reglugerð 80/2013. Framkvæmd gerðarinnar er á höndum Vegagerðar og vaktstöðvar siglinga en Samgöngustofa hefur eftirlit. Samgöngustofa hefur aðgang að kerfinu til móttöku tilkynningaReglugerð (ESB) 2016/399 um bandalagskóða fyrir för fólks yfir landamæri; Schengen-landamærakóðinn. Þessi gerð hefur ekki verið tekin upp í EES samninginn þar sem Schengen samstarfið er meðhöndlað sérstaklega.Tilskipun 2019/883 um móttökuaðstöðu í höfnum til afhendingar úrgangs frá skipum, innleidd í lög um varnir gegn mengun hafs og stranda, nr. 33/2004 og reglugerð 792/2004. Framkvæmd er hjá Umhverfisstofnunar.Reglugerð (EB) 725/2004 um að efla vernd skipa og hafnaraðstöðu – Innleidd með reglugerðum 474/2007 og 265/2008. Framkvæmd á vegum Samgöngustofu. Samgöngustofa hefur aðgang að kerfinu til móttöku tilkynningaTilskipun 98/41/EC um skráningu einstaklinga sem sigla með farþegaskipum til og frá höfnum aðildarríkja bandalagsins, innleidd með reglugerð 659/2000. Framkvæmd á höndum Landhelgisgæslu Íslands og Samgöngustofu.Reglugerð (ESB) 952/2013 um tollkóða Evrópusambandsins. Ekki tekin upp í EES samninginn og er um tollamál.Tilskipun 2001/96/EB um samræmdar kröfur og aðferðir að því er varðar örugga lestun og losun búlkaskipa, innleidd með reglugerð 204/2004. Samgöngustofa annast framkvæmd.Tilskipun 2009/16/EB um hafnarríkiseftirlit, innleidd í reglugerð 816/2011. Samgöngustofa annast framkvæmd og þurfa tilkynningar að berast stofnuninni. Stofnunin hefur aðgang að kerfinu til að móttaka tilkynningar.2009/42/EB um gerð hagskýrslna í tengslum við vöru- og farþegaflutninga á sjó, innleidd í reglugerð nr. 777/2016. Framkvæmd á höndum Hagstofunnar. Gerðin fjallar um upplýsingar sem skulu berast stofnuninni.Þá er fjallað um móttöku upplýsinga og tilkynninga sem falla undir alþjóðasamninga sem eru á forræði ýmissa stofnana en þar er ekki breyting frá gildandi rétti.Umsögn: helstu breytingar, mati á umfangi, og áhrif hér á landi: Vegagerðin bendir á í umsögn sinni að vegna viðauka II þurfi að uppfæra kerfið að verulegu leyti.Áhrif á þátt Samgöngustofu við framkvæmd gerðarinnar eru takmörkuð enda tekur stofnunin á móti tilkynningum í dag í gegnum kerfið og hefur aðgang að því. Hins vegar mun aukinn kostnaður mun falla á Samgöngustofu vegna eftirlits með innleiðingu og framkvæmd á árunum 2024 og 2025.Samgöngustofa er hið lögbæra stjórnvald sem hefur eftirlit með innleiðingu og framkvæmd við kerfissetningu og flutning gagna.Leitað var sérstaklega umsagnar Landhelgisgæslu, Umhverfisstofnunar, Skattsins sem framkvæmdaaðila tollmála, Vegagerðarinnar, sem rekur SafeSeaNet-kerfið, og Hagstofunnar vegna gerða sem gætu haft áhrif á þær stofnanir.Í umsögn Vegagerðarinnar kom fram að nauðsynlegt væri að gera ráð fyrir auknum þróunarkostnaði en að hann lægi ekki fyrir á þessu stigi málsins.Í umsögn Skattsins kom fram að vegna samnings um Alþjóðaviðskiptastofnunina og tengdra samninga er aukin þörf á gátt sem þessari.Í umsögn Landhelgisgæslunnar kom fram að huga þyrfti að breytingu á lögum og reglum við upptöku gerðarinnar í EES-samninginn auk uppfærslu á SafeSeaNet.Í umsögn Umhverfisstofnunar kom fram að þó reglugerðin hafi ekki í för með sér kostnað fyrir stofnunina sjálfa muni kostnaður engu að síður aukast vegna aukins eftirlits og eftirfylgni. Þá vekur stofnunin athygli á að vistun upplýsinga verður ekki hér á landi.Í umsögn Hagstofunnar kom fram að stofnunin gerði ekki athugasemdir við gerðina.Lagastoð fyrir innleiðingu gerðar: Lagastoð er að finna í 3. mgr. 16. gr. c laga um vaktstöð siglinga nr. 41/2003. Rétt væri að reglugerðin yrði innleidd með breytingu á reglugerð nr. 619/2017 um samræmda afhendingu og miðlun upplýsinga um flutninga á sjó.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Kostnaður mun koma til vegna uppfærslu SafeSeaNet kerfisins. Sá kostnaður verður á Vegagerðina en liggur ekki fyrir eins og staðan er nú (6.3.2023)Aukinn kostnaður mun falla á Samgöngustofu vegna eftirlits með innleiðingu og framkvæmd á árunum 2024 og 2025. Gróft metið má telja að eftirlit feli í sér eitt stöðugildi þau ár. Skv. gildandi kjarasamningu og kostnaði við starfsmenn er sú fjárhæð áætluð 16 milljónir kr. hvort ár.Skörun við starfssvið annarra ráðuneyta: Fjármála- og efnahagsráðuneytið vegna tilkynninga í tengslum við tollamál, dómsmálaráðuneytið vegna tilkynninga í tengslum við Schengen, forsætisráðuneytið vegna tilkynninga til hagskýrslugerðar (Hagstofunnar) og Umhverfis-, orku og loftslagsráðuneytið vegna tilkynninga í tengslum við sorp skipa.Tilgreining á hagsmunaaðilum: Stofnanir sem taldar eru upp að framan. Útgerðir skipa sem senda tilkynningar og eftir atvikum umboðsmenn skipa hér á landi.Horizontal issues: sektir, aðrar refsingar, stofnanir, lönd utan EES:Þörf fyrir EFTA-komment – aðlaganir sem þegar eru í gildi vegna undanfarandi gerða: Gerðin er um tollamál auk þess að tengjast Schengen-samstarfinu. Schengen er ekki hluti af EES samningnum.
