32023R0661

Markmið sem að er stefnt: Um er að ræða reglugerð um breytingu á viðauka við reglugerð (EB) nr. 2111/2005 um skrá Bandalagsins yfir flugrekendur sem bannað er að stunda flugrekstur innan Bandalagsins.Markmið með breytingunum er að taka mið af niðurstöðum úttektar framkvæmdastjórnarinnar á því hvar breytinga er þörf að teknu tilliti til vísinda- og tækniþróunar og til að auka gagnsæi um hvaða viðmið koma til skoðunar þegar metið er hvort setja skuli flugrekstrarbann á flugrekanda á vettvangi Bandalagsins.Efnisútdráttur: Í reglugerð (EB) nr. 2111/2005 eru settar fram reglur um gerð og birtingu skrár Bandalagsins, á grundvelli almennra viðmiða, yfir flugrekendur sem af öryggisástæðum falla undir flugrekstrarbann í Bandalaginu.Almennu viðmiðin við að setja flugrekstrarbann á flugrekendur eru sett fram í viðauka við gerðina. Með þessari gerð eru gerð breyting á viðaukanum um viðmið sem koma til skoðunar þegar metið er hvort af öryggisástæðum skuli setja flugrekstrarbann á flugrekanda á vettvangi Bandalagsins. Til að auka á gagnsæi eru viðmiðin talin upp í viðaukanum. Er þetta gert til að auka gagnsæi. Þá er uppfært ákvæði um hvernig fjarlægja skuli flugrekanda af bannlista þegar bætt hefur verið úr öryggisgöllum.Umsögn: helstu breytingar, mati á umfangi, og áhrif hér á landi: Reglugerðin hefur takmörkuð áhrif hér á landi þar sem hún varðar flugrekendur sem sæta flugrekstrarbanni innan Evrópusambandsins. Lagastoð fyrir innleiðingu gerðar: Lagastoðin er 3. mgr. 228. gr. laga um loftferðir nr. 80/2022.Rétt væri að innleiða reglugerðina með breytingu á reglugerð nr. 277/2008 um aðgerðir til að tryggja flugöryggi og skrá yfir flugrekendur er ekki uppfylla viðeigandi öryggiskröfur.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Enginn kostnaður metinn vegna innleiðingar gerðarinnar.