Nýfæði - 32023R0931

Framkvæmdareglugerð framkvæmdastjórnarinnar (ESB) 2023/931 frá 8. maí 2023 um breytingu á framkvæmdareglugerð (ESB) 2017/2470 hvað varðar notkunarskilyrði fyrir hefðbundið fæði frá þriðja ríki seyði af kaffilaufum af Coffea arabica L. og/eða Coffea canephora Pierre ex A. Froehner. Gerðin varðar reglugerð (ESB) 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista sambandsins yfir leyfilegt nýfæði. Seyði af kaffilaufum af Coffea arabica L. og/eða Coffea canephora Pierre ex A. Froehner var leyft sem hefðbundið fæði frá þriðja ríki með reglugerð (ESB) 2020/917 og er á lista yfir leyfilegt nýfæði í reglugerð 2017/2470. Sótt hefur verið um leyfi til breytinga á notkunarskilyrðum fyrir þessa afurð í samræmi við 10. gr. reglugerðar (ESB) nr. 2015/2283.Sótt er um leyfi til að nota seyðið í bragðbætta og óbragðbætta óáfenga drykki tilbúna til neyslu og kaffi ásamt ýmsum öðrum kaffi-, te- og jurtadrykkjum o.fl. Drykkirnir eru ætlaðir almennum neytendum.  Framkvæmdastjórnin telur að ólíklegt sé að breytingin á notkunarskilyrðum sé líkleg til að hafa áhrif á heilsu almennings og að ekki sé þörf á umsögn Matvælaöryggisstofnunar Evrópu (EFSA).  Viðauka við framkvæmdareglugerð (ESB) 2017/2470 er því breytt í samræmi við viðauka við þessa reglugerð og með þeim skilyrðum sem þar koma fram.