32023R1078

Í viðauka við reglugerðina koma fram sérstök skilyrði sem þarf að uppfylla. Þau eru eftirfarandi:Fyrir óson sem búið er til úr forefninu súrefni úr tönkum skal hreinleiki súrefnisins vera a.m.k. 90% af rúmmálshlutfalli og innihald vetniskolefna sem jafngildi metans skal ekki vera meira en 50 ppm rúmmálshlutfall. Með hliðsjón af framleiðsluleið súrefnis, má það innihalda sem óhreinindi; vatn, nitur, argon, koldíoxíð og aðrar eðallofttegundir.Við vinnslu markaðsleyfis fyrir sæfivöru í vöruflokkum 2, 4, 5 og 11 skal skoða sérstaklega váhrif, áhættu og verkun sem tengist notkun vörunnar, sem sótt er um leyfi fyrir og er ekki tekin fyrir á vettvangi Evrópusambandsins í áhættumati virka efnisins.Við mat á sæfivöru í vöruflokki 2 skal skoða sérstaklega þá sem nota vöruna í atvinnuskyni, almenning sem notanda og afleidd váhrif á almenning.Við mat á sæfivöru í vöruflokki 4 eða 5 skal skoða sérstaklega þá sem nota vöruna í atvinnuskyni og afleidd váhrif á almenning.Við mat á sæfivöru í vöruflokki 11 skal skoða sérstaklega þá sem nota vöruna í atvinnuskyni og yfirborðsvatn eftir losun meðhöndlaðs kælivökva í það.Fyrir vörur í vöruflokkum 4 eða 5 sem gætu skilið eftir sig leifar í matvælum eða fóðri skal meta hvort að setja þurfi ný hámarksgildi leifa (MRL) eða aðlaga þau hámarksgildi leifa sem eru nú þegar til í samræmi við reglugerðir Evrópuþingsins og ráðsins nr. 396/2005 eða nr. 470/2009. Gera skal viðeigandi áhættumildandi aðgerðir til að tryggja að leifar fari ekki yfir gildandi hámarksgildi.