Heilsufullyrðingar - 32023R1101

Samkvæmt reglugerðinni eru næringar og heilsufullyrðingar bannaðar nema þær séu heimilaðar af framkvæmdastjórn ESB í samræmi við reglugerð 1924/2006 og birtar á lista yfir leyfilegar fullyrðingar. Sótt var um leyfi fyrir fullyrðingu í samræmi við gr. 14(1), b í reglugerð (ESB) nr. 1924/2006. Matvælaöryggisstofnuninni (EFSA) var falið að skila áliti á vísindalegum rökstuðningi fyrir heilsufullyrðingu sem tengist lífrænum matvælum og framlagi þeirra til verndar líkamsfrumum og sameindum (lípíðum og DNA) gegn oxunarskemmdum, og þar sem markhópurinn er heilbrigð börn á aldrinum 3 til 15 ára. Fullyrðingin sem umsækjandi lagði til var svohljóðandi: „Lífræn matvæli (lægra magn varnarefnaleifa en í hefðbundnum matvælum) stuðlar að verndun líkamsfrumna og sameinda (lípíð og DNA) gegn oxunarskemmdum.“ Framkvæmdastjórnin og aðildarríkin fengu vísindalegt álit EFSA. Í áliti EFSA benti stofnunin á að magn varnarefnaleifa sem þarf til að einkenna matvæli sem „lífræn“ hefur hvorki verið tilgreint í umsókninni né í rannsóknum á mönnum sem lagðar hafa verið fram til að rökstyðja heilsufullyrðinguna og komst að þeirri niðurstöðu að á grundvelli framlagðra gagna er matvælunum , þ.e. lífræn matvæli, sem eru grundvöllur heilsufullyrðingarinnar ekki nægjanlega lýst og því getur orsök og afleiðingarsamband ekki vera komið á milli neyslu lífrænna matvæla og verndar líkamsfrumum og sameindum frá oxunarskemmdum. Af því leiðir að heilsufullyrðingin uppfyllir ekki kröfur reglugerðar (EB) nr. 1924/2006 fyrir skráningu á skrá Sambandsins yfir leyfilegar heilsufullyrðingar, ætti ekki að leyfa hana. Á grundvelli ályktana EFSA hafnar Framkvæmdastjórnin því umsókninni.