32023R1434

Með reglugerðinni er verið að breyta reglugerð Evrópuþingsins og ráðsins (EB) nr. 1272/2008 um flokkun og merkingu og umbúðir efna og efnablandna (CLP).Breytingarnar fela í sér að bætt er við hluta 1, í lið 1.1.3 í VI. viðauka sem nefnist „Athugasemdir við færslu“ (list of notes) sem eiga við um eina eða fleiri færslur í skrá yfir samræmda hættuflokkun efna og tengist greiningu, flokkun og merkingu efna ásamt flokkun og merkingu efnablandna.Viðbætum við athugasemdir er ætlað til að bæta flokkun og merkingar hættulegra efna með því að gera leiðbeiningar skilmerkilegri að því leyti að tekið verði mið af samlagningaráhrifum hættulegra efna í efnablöndum og eiginleika sem hópar efna hafa sameiginlega við hættuflokkun efnablandna.Breytingar á VI. viðauka CLP fela í sér að:- í lið 1.1.3.1 er bætt við Athugasemd við færslu X: X) Flokkun hættuflokka í þessari færslu er einungis byggð á hættueiginleikum þeirra efnisþátta sem er sameiginlegur öllum efnum í færslunni. Hættueiginleikar hverra efna í færslunni byggja einnig á eiginleikum efnisþátta sem eru ekki sameiginleg öllum efnum í hópnum. Það síðarnefnda skal vera metið út frá því hvort alvarlegri hættuflokkanir (af hærri undirflokkum) eða breiðara svið sömu hættuflokkunar (samlagningaráhrif (additional differentation), marklíffæri og/eða hættusetningar) gæti átt við fyrir hættuflokkun í færslunni.- í lið 1.1.3.2 er bætt við Athugasemd við færslu 11 og  Athugasemd við færslu 12 :11) Flokkun efnablandna sem efni sem hefur eiturhrif á æxlun er nauðsynleg ef summa styrks einstakra bóron efna í lausninni sem eru flokkuð sem efni sem hafa eiturhrif á æxlun í efnablöndunni sem sett er á markað er ≥ 0,3 %.12) Flokkun efnablandna sem efni sem hefur eiturhrif á æxlun er nauðsynleg ef summa styrkja efna sem eiga við þessa færslu í efnablöndunni eins og hún er sett á markað, er jöfn eða hærri viðeigandi almennum styrkleikamörkum fyrir undirflokkinn, eða sértækum styrkleikamörkum sem gefin eru upp í færslunni.Reglugerðin tekur gildi á 20. degi eftir birtingu reglugerðarinnar í Stjórnartíðindum Evrópusambandsins.