32023R1464

Eftir 6. ágúst 2026 verður bannað að setja á markað hluti ef þeir losa frá sér formaldehýð, við prófunaraðstæðurnar sem líst er í meðfylgjandi viðbæti, í hærri styrk en sem nemur 0,062 mg/m3, ef um er að ræða húsgögn eða hluti úr viði, en 0,080 mg/m3 ef um er að ræða aðra hluti.Ýmsir hlutir eru undanþegnir ofangreindu banni:Hlutir þar sem formaldehýðið eða formaldehýðlosandi efnin eru einungis fyrir hendi í hráefnunum sem notuð eru í hlutina frá náttúrunnar hendi,hlutir sem aðeins eru notaðir utandyra,byggingaríhlutir sem leiða ekki til losunar formaldehýðs í inniloft,hlutir sem eru einungis ætlaðir til nota í iðnaði eða atvinnustarfsemi og leiða ekki til váhrifa fyrir almenning við fyrirsjáanlega notkun,hlutir sem heyra undir takmörkun í 72. lið XVII. viðauka,sæfivörur,lækningatæki,persónuhlífar oghlutir sem ætlað er að komast í snertingu við matvæli.Eftir 6. ágúst 2027 verður bannað að setja á markað hluti í ökutæki ef styrkur formaldehýðs í ökutækinu er meiri en 0,062 mg/m3 við prófunaraðstæðurnar sem líst er í viðbætinum. Ökutæki sem einungis eru ætluð til nota í iðnaði eða atvinnuskyni eru undanþegin banninu nema styrkur formaldehýðs í ökutækinu leiði til váhrifa fyrir almenning við fyrirsjáanlega notkun. Notuð ökutæki eru einnig undanþegin.