32023R1616 - 32023R1616

Ákvæði 1. mgr. 25. og 1. mgr. 61. gr. reglugerðar (ESB) 2021/23 gera kröfu um að sá sem framkvæmir verðmat skv. 24. og 61. gr. reglugerðarinnar („matsmaðurinn“) sé óháður opinberu yfirvaldi og miðlægum mótaðila sem verið er að verðmeta. Í samræmi við það ættu samræmdar reglur að gilda um óhæði matsmanns, til að mynda um að hvorki séu fyrir hendi verulegir andstæðir né sameiginlegir hagsmunir matsmanns og miðlæga mótaðilans sem valdið geta hagsmunaárekstrum. Þá eru í reglugerðinni gerðar kröfur um hæfi, reynslu, færni, þekkingu og auðlindir matsmannsins og getu hans til að framkvæma verðmatið án þess að þurfa að treysta ótilhlýðilega á viðeigandi opinbert yfirvald eða miðlæga mótaðilann og skilyrði sett um skipulegan aðskilnað milli matsmanns annars vegar og opinbers yfirvalds og miðlægs mótaðila hins vegar. Skilavaldið á að meta hvort verulegir sameiginlegir eða andstæðir hagsmunir séu fyrir hendi og ber matsmaðurinn skyldu um að upplýsa skilavaldið um hvort slíkt sé fyrir hendi og skilavaldið eftir atvikum að ákvarða hvort hagsmunirnir séu slíkir að skipa þurfi nýjan matsmann. Þá ber matsmanni að viðhalda stefnum og verklagsreglum í samræmi við viðeigandi siðareglur og faglega staðla til að bera kennsl á raunverulega eða hugsanlega hagsmuni sem gætu hindrað hann í störfum sínum.Ákvæði framseldrar reglugerðar (ESB) 2023/1616 eru nátengd innbyrðis þar sem þau fjalla um aðstæður og aðferðafræði við mat á eignum og skuldum í samhengi við skilameðferð miðlægs mótaðila.