32023R2381

Markmið sem að er stefnt: Verið er að gera breytingar á framkvæmdareglugerð (ESB) 2016/480 um sameiginlegar reglur varðandi skuldbindingu á samtengingu rafrænna landsskráa í Evrópu fyrir flutning á vegum.Aðdragandi: Gerð er sú krafa í 16. gr. reglugerðar EB nr. 1071/2009 að aðildarríkin haldi rafræna landsskrá yfir fyrirtæki sem stunda flutninga á vegum og hlotið hafa leyfi yfirvalda til að stunda flutninga á vegum í atvinnuskyni. Skráin; European Register of Road Transpor Undertakings, hefur í daglegu tali verið nefnd ERRU. Í 5. og 6. mgr. 16. gr. reglugerðarinnar er gerð sú krafa að innlendar rafrænar skrár séu samtengdar. Framkvæmdastjórninni er falið það hlutverk að samþykkja sameiginlegar reglur um slíka samtengingu.Með framkvæmdarreglugerð framkvæmdastjórnarinnar (ESB) nr. 2016/480 er sett upp rafrænt kerfi fyrir samtengingu innlendra rafrænna skráa (ERRU). Með því að samtengja allar rafrænu landsskrárnar eru upplýsingarnar aðgengilegar lögbærum landsyfirvöldum allra aðildarríkjanna.Reglugerð EB nr. 1071/2009 hefur verið breytt með reglugerð 2020/1055. Með breytingunni var þess krafist að landsskráin innihaldi viðbótarupplýsingar um flutningafyrirtæki á vegum. Þessar viðbótarupplýsingar verða einnig að vera aðgengilegar lögbærum landsyfirvöldum aðildarríkjanna við vegaeftirlit. Þar af leiðandi ætti að uppfæra reglur um landsskrána og gera upplýsingarnar aðgengilegar. Því er framkvæmdarreglugerð (ESB) 2016/480 hér með breytt til samræmis við þessar breytingar.Umsögn: helstu breytingar,  mati á umfangi, og áhrif hér á landi: Þetta er nánari útfærsla á landsskrá (ERRU) sem hefur ekki verið komið upp á Íslandi. Þessar breytingar hafa því ekki áhrif en það verður tekið tillit til þeirra þegar landsskráin verður sett upp.Lagastoð fyrir innleiðingu gerðar: Lagastoð er að finna í 34. gr. laga um farþegaflutninga og farmflutninga á landi nr. 28/2017.Rétt væri að reglugerðin yrði innleidd með breytingu á í reglugerð um leyfi til að stunda farþegaflutninga og farmflutninga á landi nr. 474/2017.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Þessi tiltekna gerð ætti ekki að valda frekari kostnaði við uppsetningu kerfisins í heild sinni.Skörun við starfssvið annarra ráðuneyta: Nei.Tilgreining á hagsmunaaðilum: Nei.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.