32023R2631

Samkvæmt reglugerðinni má markaðssetja skuldabréf sem evrópsk græn skuldabréf ef andvirði þeirra er ráðstafað með tilgreindum hætti og uppfylltar eru kröfur um upplýsingagjöf til markaðar og lögbærra yfirvalda og ytra mat.Ytri matsaðilar skulu vera skráðir hjá Evrópsku verðbréfamarkaðseftirlitsstofnuninni. Skráning er háð hæfniskröfum. Settar eru reglur um starfshætti og matsaðferðir matsaðila. Heimilað er að styðjast við þjónustu matsaðila utan Evrópska efnahagssvæðisins sem Evrópska verðbréfamarkaðseftirlitsstofnunin hefur viðurkennt.Reglugerðin felur framkvæmdastjórn Evrópusambandsins að birta valkvæð sniðmát fyrir upplýsingagjöf til markaðar um skuldabréf sem eru markaðssett sem umhverfislega sjálfbær skuldabréf.Mælt er fyrir um eftirlit lögbærra yfirvalda og Evrópsku verðbréfamarkaðseftirlitsstofnunarinnar með því að farið sé eftir kröfum reglugerðarinnar og viðurlög vegna brota.