Reglugerð (ESB) 2023/2849 er varðar reglur um skýrslugjöf og gagnaskil vegna samantekinna losunargagna innan félags í sjóflutningum. - 32023R2849

Reglugerð (ESB) 2023/2849, sem hér er til greiningar, er sett á grundvelli 4. mgr. 11. gr. a reglugerðar (ESB) 2015/757, sbr. 3. gr. gd tilskipunar 2003/87/EB um viðskiptakerfi ESB með losunarheimildir (hér eftir nefnd ETS-tilskipunin). Í 1. gr. reglugerðarinnar er fjallað um reglur varðandi vöktun. Hverju skipafélagi er gert að skila gögnum um samantekna losun innan félags (e. aggregated emissions data at company level) stjórnvalds (e. administering authority) í samræmi við C hluta í viðauka II í reglugerð (ESB) 2015/757. C hluti framangreinds viðauka snýst um vöktun á heildarlosun gróðurhúsalofttegunda er fellur undir ETS-tilskipunina og á þeim upplýsingum sem réttlæta frávik frá skyldu til þess að skila losunarheimildum, sbr. 3. mgr. 12. gr. ETS-tilskipunarinnar.Í töluliðum a-e 2. mgr. 1. gr. eru taldar upp þær upplýsingar sem samantekin losunargögn félags skulu innihalda. Skipafélög munu þurfa að skila inn upplýsingum sem einkenna félagið og skip í þeirra umsjá ásamt gögnum er snúa að vottun. Gefa skal upp samantekna heildarlosun þeirra gróðurhúsalofttegunda sem skal gefa skýrslu um skv. ETS-tilskipuninni innan hvers skips (e. at ship level) eins og ákvarðað er skv. töluliðum 1.1-1.7 í C hluta  viðauka II í reglugerð (ESB) 2015/757, sem tonn koldíoxíðsígilda og aðgreint eftir gróðurhúsalofttegund.  Einnig skal skila inn upplýsingum um aðferðafræði sem er notuð til taka saman gögn um heildarlosun innan félags ásamt öllum breytingum aðferðafræðinni sem eiga sér stað milli skýrslutímabila. Í 2. gr. er fjallað um ákvörðun stjórnvalds á samantekinni heildarlosun innan félags. Samkvæmt 1. mgr. 2. gr. skal stjórnvald í eftirfarandi tilvikum gera varfærnislegt mat á samantekinni losun skipafélags:hvSkipafélag hefur ekki skilað inn neinum gögnum um samantekna losun innan félags fyrir þann frest sem gefinn er upp í 11. gr. a reglugerðar (ESB) 2015/757, þ.e. fyrir 31 mars. Þetta gildir frá og með árinu 2025, sjá 11. gr. a.Vottuð samantekin losunargögn innan félags sem vísað er til í 11. gr. a í reglugerð (ESB) 2015/757 eru ekki í samræmi við téða reglugerð.Samantekin losunargögn innan félags hafa ekki verið vottuð með fullnægjandi hætti í samræmi við reglugerð (ESB) 2016/2072.[1]Í 2. mgr. 2. gr. kemur fram að í þeim tilvikum sem vottunaraðili kemst að þeirri niðurstöðu í vottunarskýrslu skv. 5. mgr. 13. gr. reglugerðar (ESB) 2015/757, að fyrir hendi séu óefnislegar rangfærslur, sem skipafélag hefur ekki leiðrétt fyrir útgáfu vottunaryfirlýsingar (e. verification statement), skuli stjórnvald meta þær rangfærslur. Þegar stjórnvald metur sem svo að um efnislegar rangfærslur sé að ræða skal gera varfærnislegt mat á samantekinni heildarlosun innan félags.Þegar til þess kemur að stjórnvald geri varfærnislegt mat á samantekinni losun innan félags ber að upplýsa skipafélag um hvort og þá hvaða leiðréttinga sé krafist og skipafélag skal koma þeim upplýsingum til vottunaraðila, sbr. 3. og 4. mgr. 2. gr reglugerðar þessarar. Reglugerð þessi tók gildi 1. janúar 2024. 
[1] Reglugerð (ESB) 2016/2072 um sannprófunarstörf og faggildingu sannprófenda samkvæmt reglugerð Evrópuþingsins og ráðsins (ESB) 2015/757, hefur nú verið felld úr gildi með framseldri reglugerð framkvæmdastjórnarinnar (ESB) 2023/2917 um vottun, faggildingu vottunaraðila og samþykki stjórnvalda á vöktunaráætlunum í samræmi við reglugerð (ESB) 2015/757, sem nú er í greiningu hjá Umhverfisstofnun.