Ákvörðun framkvæmdastjórnarinnar (ESB) 2024/2951 um heildar magn losunarheimilda í viðskiptakerfi Evrópusambandsins með losunarheimildir fyrir geira bygginga og flutninga á vegum og annarra geira (ETS 2) fyrir árið 2027. - 32024D2951

Samkvæmt 1. mgr. 30. gr. c. í ETS tilskipuninni skal Framkvæmdastjórn ESB gefa út fjölda losunarheimilda undir kafla IVa í tilskipuninni fyrir 1. janúar 2025. Í ákvörðun Framkvæmdastjórnarinnar (ESB) 2024/2951 sem hér er til greiningar er útreikningum á fjölda losunarheimilda lýst og magn losunarheimilda ákveðið fyrir árið 2027 í viðskiptakerfi með losunarheimildir fyrir byggingar, vegasamgöngur og aðra geira (ETS II) skv. IV. Kafla ETS tilskipunarinnar.    Skv. 1. mgr. 30.gr. c í ETS tilskipuninni, skal útgefið magn árlegra losunarheimilda frá árinu 2027 fyrir allt sambandið beitt línulega lækkunarstuðlinum 5,10%  frá losunarmörkum ársins 2024.  Losunarmörkin 2024 eru skilgreind á grundvelli losunarviðmiða sem sett eru fram í 2. mgr. 4. gr. reglugerðar ESB 2018/842 um árlega skerðingu á losun gróðurhúsalofttegundum aðildarríkjanna frá 2021-2030 sem stuðlar að loftslagsaðgerðum til að uppfylla skuldbindingar skv. Parísarsamningnum. Losunarmörk fyrir 2024 skulu skv. því ekki fara yfir þau mörk sem skilgreind eru með línulegum ferli frá 2022 til 2030 frá og með losunarmörkum 2022, sem aftur eru skilgreind í sömu reglugerð með línulegum ferli sem byggir á meðaltali losunar gróðurhúsalofttegunda hvers aðildarríkis á árunum 2016, 2017 og 2018 sem finna má í endurskoðuðum gögnum í losunarbókhaldi aðildarríkjanna (þ.m.t. EES EFTA ríkjanna).  Við útreikninganna var losun koldíoxíðs, frá starfsemi sem er undanþegin  viðauka III í ETS tilskipuninni og fellur undir ETS 2 dregin frá heildarlosun koltvísýrings í losunarbókhaldi landanna. Auk þessa  voru teknar til greina breytingar á upprunaflokkunum 1A1 og 1A3b eins og skilgreint er í 2006 IPCC leiðbeiningum.  Losunarmörk 2024 fyrir starfsemi sem fellur undir ETS 2 ætti á grundvelli ofangreindra útreikninga að nema 1.223.481.445 tonnum af koltvísýringi, eða rúmlega 1223 milljónir. Magn losunarheimilda sem gefin er út fyrir árið 2027 vegna starfsemi sem fellur undir ETS 2 skal minnka árlega eftir árið 2024 með línulegum lækkunarstuðli sem nemur 5,10%. Á þessum grundvelli er fjöldi losunarheimilda innan Sambandsins vegna starfsemi sem fellur undir ETS 2 ákveðin 1.036.288.784 losunarheimildir fyrir árið 2027.   Ákvörðunin tók gildi í Evrópusambandinu í desember 2024.