32024L0232

Í III. viðauka við tilskipun 2011/65/ESB um takmarkanir á notkun tiltekinna, hættulegra efna í raf- og rafeindabúnaði (RoHS) er að finna lista yfir notkun sem er undanþegin takmörkunum sem settar eru fram í 1. mgr. 4. gr. tilskipunarinnar. Meðal þeirra efna sem talin eru upp í II. viðauka við RoHS, og óheimilt er að nota í raftækjum í magni umfram það sem viðaukinn tilgreinir, er blý og kadmíum.Í þessari tilskipun er verið að veita undanþágu til 28. maí 2028 til að leyfa blý og kadmíum sem innihald að vissu magni í endurunnu og stífu pólývínýlklóríði (PVC) sem notað er fyrir rafmagns- og rafeindaglugga og hurðir. Þetta er gert til að stuðla að hringrásarhagkerfi þar sem nú þegar er til nýtt PVC plast sem er án blýs og kadmíums en leyfar eru af gömlu PVC plasti sem áætlað er að koma aftur í hringrásina í stað urðunar.Tilskipunin tekur gildi á tuttugasta degi eftir birtingu hennar í Stjórnartíðindum ESB og þurfa aðildarríkin að innleiða ákvæði hennar innan sex mánaða frá gildistöku.