CRD VI - 32024L1619

Helstu breytingar eru af eftirfarandi toga:1) Mælt er fyrir um nokkrar nýjar heimildir eftirlitsaðila. Gert er ráð fyrir því að þeir geti afturkallað starfsleyfi fjármálafyrirtækis sem er á fallanda fæti þegar skilameðferð á ekki við, bannað öflun fjármálafyrirtækis á verulegum eignarhlut í öðru fyrirtæki, yfirfærslu verulegs hluta eigna og skulda fjármálafyrirtækis og sameiningu eða skiptingu fjármálafyrirtækis við tilteknar aðstæður og lagt á dagsektir. Þá er kveðið nánar á um sjálfstæði eftirlitsaðila.2) Kveðið er afdráttarlaust á um að lánastofnanir frá ríkjum utan Evrópska efnahagssvæðisins geti ekki boðið fram þjónustu sína í ríkjum innan svæðisins án þess að koma á fót útibúi þar með leyfi eftirlitsaðila. Settar eru reglur um eigið fé, laust fé, stjórnarhætti, bókhald og skýrslugjöf slíkra útibúa og eftirlit með þeim. Eftirlitsaðili skal við tilgreindar aðstæður geta krafist þess að komið verði á fót dótturfélagi í stað slíks útibús.3) Áhættustýring og mat fjármálafyrirtækja á eiginfjárþörf skal taka mið af áhættu sem varðar umhverfislega og félagslega þætti og stjórnarhætti, þar á meðal hættu á því að viðskiptalíkan þeirra samræmist ekki opinberum sjálfbærnimarkmiðum.4) Sett eru skilyrði um hæfi lykilstarfsmanna fjármálafyrirtækja, þeirra á meðal fjármálastjóra og yfirmanna eftirlitseininga.