32024R0358

Reglugerðin er viðbót við reglugerð (ESB) 2020/1503 (reglugerð um hópfjármögnun). Reglugerðin tilgreinir tæknilega eftirlitsstaðla (e. regulatory technical standards, RTS) sem leggja vissar skyldur á veitendur hópfjármögnunarþjónustu. Þessi skyldur varða m.a.1) upplýsingar sem birta skal fjárfestum um aðferðirnar sem notaðar eru til að reikna út lánshæfieinkunn hópfjármögnunarverkefna og til að gefa til kynna verð á hópfjármögnun, 2) innri stjórnunarhætti og ferli til að styðja við upplýsingagjöf til fjárfesta, útlánamat og áhættustýringarramma, 3) viðmið sem veitendur hópfjármögnunarþjónustu verða að hafa til hliðsjónar til að tryggja sanngjarna og viðeigandi verðlagningu á lánum sem þeir veita á vettvangi sínum. Einnig er kveðið á um að á líftíma fjármögnunar þurfi að framkvæma ýmis möt á láninu og að aðferðir við mat á lánshæfi verði að vera í réttu hlutfalli við stærð, tegund og lánstíma.