Sameiginleg viðmið byggð á evrópska netöryggisvottunarkerfinu - 32024R0482

Framkvæmdarreglugerð (ESB) 2024/482 setur reglur um framkvæmd reglugerðar (ESB) 2019/881 (einnig þekkt sem Cybersecurity Act), varðandi innleiðingu á evrópska öryggisvottunarkerfinu sem byggir á sameiginlegum viðmiðum (e. European Common Criteria-based cybersecurity certification scheme – EUCC). Vottunarkerfið miðar að því að tryggja samræmda öryggisvottun fyrir vörur, þjónustu og ferla á sviði upplýsinga- og fjarskiptatækni.Lykilþættir reglugerðarinnar eru eftirfarandi:EUCC notar sameiginleg viðmið (ISO/IEC 15408) og sameiginlega matsaðferðafræði (ISO/IEC 18045);Vottunaryfirvald/samræmismatsstofur geta vottað tvö öryggisstig: „verulegt“ (AVA_VAN 1 eða 2) og „hátt“ (AVA_VAN 3, 4 eða 5);Öryggismat byggir á fyrir fram skilgreindum öryggiskröfum vörunnar. Sjálfsmat er ekki heimilt;Vottanir eru í gildi í allt að 5 ár með möguleika á framlengingu og verða afturkölluð ef vara uppfyllir ekki lengur kröfur;Heimilt er að merkja vörur sérstaklega sem hafa verið vottaðar, t.d. með QR kóða sem vísar í nánari upplýsingar;Vottunarstofur og matsaðilar þurfa að hafa viðurkenningu samkvæmt reglugerð (EB) nr. 765/2008;Landsbundin netöryggisvottunaryfirvöld fara með eftirlit, taka við kvörtunum og rannsaka frávika;Vottaðir aðilar skulu vera með ferla til að greina og tilkynna veikleika, framkvæma áhættumat og upplýsa viðkomandi yfirvöld um veikleika.