32024R0568

Með tillögu að reglugerð Evrópuþingsins og ráðsins (ESB) um gjöld og þóknanir til Lyfjastofnunar, um breytingu á reglugerð Evrópuþingsins og ráðsins (ESB) 2017/745 og um niðurfellingu reglugerðar ráðsins (EB) nr. 297/95 og reglugerð Evrópuþingsins og ráðsins (ESB) 658/2014 er ætlunin í fyrsta lagi að einfalda regluverk í kringum gjöld og þóknanir til Lyfjastofnunar Evrópu. Regluverkið í kringum gjöld og þóknanir til Lyfjastofnunar Evrópu hefur í tímans rás orðið flókið og er nú að finna í tveimur reglugerðum, þ.e. reglugerð ráðsins (EB) nr. 297/95 og reglugerð Evrópuþingsins og ráðsins (ESB) nr. 658/2014. Í kjölfar nýlegra breytinga á Evrópureglugerð um Lyfjastofnun Evrópu, þar sem hlutverk Lyfjastofnunarinnar var uppfært. Er í núgildandi löggjöf ekki gert ráð fyrir gjaldtöku til stuðnings nýrri eða breyttri starfsemi stofnunarinnar. Er tillögunni hins vegar ætlað að setja eitt heildstætt og sveigjanlegt regluverk um gjöld og þóknanir til Lyfjastofnunarinnar sem getur fylgt breytingum á reglugerðinni.