32024R0858

Með reglugerðinni er verið að breyta reglugerð um Evrópuþings og ráðsins (EB) nr. 1223/2009 um snyrtivörur.Breytingar fela meðal annars í sér bann við notkun eftirtaldra efna á nanóformi í snyrtivörum: stýren/akrýlat samfjölliða(nanó), natríumstýren/akrýlat samfjölliða(nanó), kopar(nanó),  sviflausn nanóagna silfurs, gull(nanó),  sviflausn nanóagna gulls, gullþíóetýlamínhýalúrónsýra (nanó), sviflausn gullasetýlheptapeptíð-9 nanóagna, platína (nanó), sviflausn nanóagna platínu, sviflausn platínuasetýl tetrapeptíð-17 nanóagna. Framangreindum efnum er bætt við II. viðauka yfir innihaldsefni sem eru ekki leyfileg í snyrtivörum.Einnig er nýrri færslu bætt í skrá í III. viðauka yfir innihaldsefni sem falla undir skilyrði varðandi notkun í snyrtivörur. Nýja færslan varðar nanóform hýdroxýapatíts og þar eru sett skilyrði um hámarksstyrk efnisins í efnablöndu tilbúinni til notkunar í tannkremum (10% hámarksstyrkur) og munnskoli (0,465% hámarksstyrkur). Einnig að ekki skuli nota efnið í vörum sem geta leitt til váhrifa á lungu vegna innöndunar notanda.  Að auki eru sett skilyrði um stærð, lögun og yfirborð nanóagnanna.Reglugerðin tekur gildi á 20. degi eftir birtingu hennar í Stjórnartíðindum Evrópusambandsins. Frá fyrsta degi mánuðar 9 mánuðum eftir að reglugerðin tekur gildi skulu snyrtivörur sem innihalda efnið Hýdroxíapatít (nanó) og fullnægja ekki þeim kröfum sem settar eru fram um takmarkanir á notkun samkvæmt reglugerðinni ekki vera settar á markað.Frá fyrsta degi mánuðar 18 mánuðum eftir að reglugerðin tekur gildi skulu snyrtivörur ekki boðnar fram á markaði nema þær uppfylli þessi nýju skilyrði í II. og III. viðauka.