32024R1084

Markmið sem að er stefnt: Markmiðið með gerðinni er að tryggja að miðstöð neyðarsímsvörunar, e. Public Service Asnwering Point, sé í stakk búin til að taka á móti merkjum frá neyðarsendum bifreiða, eCall, samkvæmt samræmdum stöðlum og með nýrri fjarskiptatækni. Aðdragandi: Í framseldri reglugerð ESB nr. 305/2013 er mælt fyrir um forskriftir að því hvernig eigi að uppfæra neyðarsímsvörunarstöð, e. public safety answering point (PSAP). Þessu er ætlað að tryggja samhæfingu, samvirkni og samfellu í samræmdri eCall-þjónustu innan Evrópusambandsins.Forskriftirnar eru byggðar á stöðlum sem þróaðir voru fyrir línuskipta gagnaflutningaþjónustu, þ.e. 2G og 3G kynslóðir farsíma. Flestir farsímakerfisrekendur hafa tilkynnt áform um að slökkva á línuskiptum gagnaflutningsþjónustum og nota pakkaskipta gagnaflutningaþjónustu í staðinn. Sú tækni byggir á 4G og 5G kynslóðum farsíma. Evrópskar staðlastofnanir hafa gengið frá tækniforskriftum fyrir eCall með því að nota pakkaskipta gagnaflutningaþjónustu. Endurskoða þarf eCall forskriftir fyrir PSAP til þess að hægt sé að taka við og meðhöndla sendingar frá nýjum ökutækjum þar sem eCall búnaður þeirra miðast við pakkaskipta gagnaflutninga. Engu að síður þarf að vera hægt að taka á móti og meðhöndla samskipti sem byggjast á eldri stöðlum séu þau enn notuð. Miðað er við að umskiptin hafi að fullu átt sér stað 1. janúar 2026. Reglugerð 305/2013 var innleidd með reglugerð nr. 342/2013 um þróun upplýsinga- og fjarskiptatækni til notkunar fyrir skynvædd samgöngukerfi (ITS). Við þá innleiðingu varð aðildarríkjunum skylt að útnefna yfirvald sem færi með eftirlit með eCall PSAP. Jafnframt var það skylda þessa yfirvalds að taka saman skýrslu til framkvæmdastjórnarinnar. Þessi tilnefning hefur ekki orðið hér. Nauðsyn er á að tilnefna eftirlitsstjórnvald. Gera má ráð fyrir að skýrslur héðan færu til Eftirlitsstofnunar EFTA.Leitað var umsagnar Vegagerðarinnar sem taldi ekki ástæðu til að koma að athugasemdum.Leitað var umsagnar Neyðarlínunnar. Í umsögn Neyðarlínunnar kemur fram að 2G og 3G kerfinu verði lokað í lok árs 2025. Þá verði nýtt kerfi að vera tilbúið. Hvorki umfang né kostnaður liggi fyrir. Verkefnið er ekki hafið.Umsögn: helstu breytingar,  mati á umfangi, og áhrif hér á landi: Með gerðinni eru tæknilegar kröfur uppfærðar til samræmis við tækniframfarir sem munu hafa mest áhrif á fjarskiptafyrirtækin og Neyðarlínuna.Lagastoð fyrir innleiðingu gerðar: Lagastoð er að finna í 45. gr. vegalaga nr. 80/2007Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Liggur ekki fyrir eins og er. Skörun við starfssvið annarra ráðuneyta: Dómsmálaráðuneyti, háskóla-, iðnaðar- og nýsköpunarráðuneyti.Tilgreining á hagsmunaaðilum: Neyðarlínan, Vegagerðin, Fjarskiptastofa. Horizontal issues: sektir, aðrar refsingar, stofnanir, lönd utan EES: NeiÞörf fyrir EFTA-komment – aðlaganir sem þegar eru í gildi vegna undanfarandi gerða: Nei