32024R1487

Listi, sem ekki er tæmandi, af eiturdeyfum og samverkandi efnum í plöntuverndarvörum með markaðsleyfi í aðildarríkjum þegar reglugerðin tók gildi, hefur verið aðgengilegur á vef Evrópusambandsins frá 19. júlí 2024. Hver sem er sem hefur í hyggju að sækja um samþykki eiturdeyfis eða samverkandi efnis á listanum getur sent inn beiðni um að viðkomandi eiturdeyfir eða samverkandi efni verði færð inn í vinnuáætlunina til 19. júní 2025. Þegar sá frestur er liðinn mun framkvæmdastjórnin ákvarða með reglugerð að þeir eiturdeyfar og samverkandi efni, sem engin beiðni barst fyrir, munu ekki verða færð í vinnuáætlunina. Framkvæmdastjórnin skal samþykkja vinnuáætlunina fyrir 19. desember 2025 með því að gera breytingu á I. viðauka við reglugerðina þannig að þeir eiturdeyfar og samverkandi efni sem eru í vinnuáætluninni færist yfir á listann í I. viðauka. Jafnframt verða tilnefnd skýrslugjafaraðildarríki og meðskýrslugjafaraðildarríki fyrir hvert þeirra.Umsókn um samþykki eiturdeyfa og samverkandi efna í I. viðauka við reglugerðina er hægt að senda til tilnefndra skýrslugjafaraðildarríkja og meðskýrslugjafaraðildarríkja hvenær sem er til og með 19. júní 2028.