32024R1849

Fyrirliggjandi bann við notkun tannsilfurs til viðgerða á barnatönnum og til viðgerða á tönnum barna undir 15 ára aldri, barnshafandi kvenna og kvenna með barn á brjósti er útvíkkað með þeim hætti að það nær nú til allra óháð aldri o.s.frv. Eftir sem áður er sú tilslökun í ákvæðinu að notkunin er heimil ef tannlæknir telur slíka notkun nauðsynlega með hliðsjón af læknisfræðilegum þörfum sjúklingsins.Útflutningur tannsilfurs er bannaður frá 1. janúar 2025.Innflutningur og framleiðsla tannsilfurs er bönnuð frá 1. júlí 2026. Innflutningur og framleiðsla eru þó áfram leyfð í því magni sem nauðsynlegt er til að fullnægja þörfum við notkun sem metin er nauðsynleg af tannlæknum með hliðsjón af læknisfræðilegum þörfum sjúklinga.Sú skylda er lögð á framleiðendur og innflytjendur tannsilfurs að skila fyrir 31. maí ár hvert upplýsingum um magn framleidds og innflutts tannsilfurs árið á undan til lögbærs yfirvalds.Skyldur framkvæmdastjórnarinnar við endurskoðun reglugerðar 2017/852 eru endurnýjaðar með fresti til 31. desember 2029.Tilteknum perum sem innihalda kvikasilfur er bætt við A-hluta II. viðauka yfir vörur með viðbættu kvikasilfri sem bannað er að framleiða, flytja út eða flytja inn frá tilgreindum dagsetningum. Settar dagsetningar fyrir vörurnar sem um ræðir eru til samræmis við það sem þegar kemur fram í tilskipun 2011/65/ESB og/eða ákvarðanir aðildarríkjafundar Minamatasamningsins.Reglugerðin hefur þegar tekið gildi í ESB.