Ákvörðun um vaktlistaefni til vöktunar í vatnshlotum - 32025D0439

Í 19. gr. a í reglugerð 535/2011 kemur fram: Vöktun efna á vaktlista fer fram til að safna gögnum á öllu Evrópska efnahagssvæðinu er ætlað að styðja ákvörðun framkvæmdastjórnar Evrópusambandsins við ákvarðanatöku um þau efni sem skulu vera á skrá yfir forgangsefni, sbr. A-hluta lista III í viðauka með reglugerð nr. 796/1999 um varnir gegn mengun vatns og til að bæta við önnur gögn sem m.a. fást með greiningum og úttektum í tengslum við álagsgreiningu og hættumat skv. 7. gr. og með vöktun skv. 13. gr.Þegar vöktun á einstaka efnum hefur staðið yfir í fjögur ár eru teknar ákvarðanir um áhættu efnanna. Annað hvort eru þau metin hættulaus eða hættulítil umhverfinu eða eru metin skaðleg lífríkinu og verða þar af leiðandi hluti af forgangsefnum (priority substances) til frekari vöktunar.  Forgangslistinn er settur fram í lögum um stjórn vatnamála og í reglugerð nr. 796/1999 um varnir gegn mengun vatns er hann settur fram ásamt umhverfismörkum.Árið 2024 lauk vöktunarskyldu fyrir sex efni eða efnahópa sem höfðu verið á listanum frá árinu 2020 og eru þau því tekin af listanum: sulfamethoxazole, trimethoprim, venlafaxín og umbrotsefni þess O-desmethylvenlafaxín, hópur tíu azólsambanda (clotrimazole, fluconazole, miconazole, imazalil, ipconazole, metconazole, penconazole, prochloraz, tebuconazole og tetraconazole), ásamt sveppalyfjunum famoxadón og dimoxystrobin.Einnig voru azoxystrobin og diflufenican teknin af listanum; azoxystrobin var fjarlægt þar sem gögn bentu til þess að það valdi áhættu í fáum aðildarríkjum og ætti þess í stað að flokkast sem sérstakur mengunarvaldur á landsvísu. Diflufenican var fjarlægt þar sem gögn bentu til að efnið væri hugsanlegur kandídat fyrir forgangsefnaskrá.Fimm efni eða efnahópar eru áfram á lista 2025 síðan árið 2022: fipronil, clindamycin og ofloxacin, metformin og umbrotsefni þess guanylurea, sem og hópur þriggja sólarvarnarefna (butyl methoxydibenzoyl-methane, octocrylene, og benzophenone-3).Til viðbótar við ofangreind efni er eftirfarandi efnum bætt við vaktlistann: sólarvarnarefnið octisalate (2-ethylhexyl salicylate), iðnaðarandoxunarefnið N-1,3-Dimethylbutyl-N’- phenyl-p-phenylenediamine (6PPD) og niðurbrotsefni þess 6PPD-quinone, skordýra- og sníklalyfið abamectin (Avermectin B1a og B1b), nýr hópur tíu azólsambanda (bromuconazole, climbazole, cyazofamid, difenoconazole, epoxiconazole, itraconazole, ketoconazole, mefentrifluconazole, propiconazole og triticonazole), skordýraeiturinn etoxazole, geðlyfin fluoxetine og propranolol og sýklalyfin oxytetracycline og tetracycline.